నెల్లూరు బస్టాండ్‌ వద్ద బ్యాగ్‌తో యువకుడు.. తెరిచి చూస్తే షాకింగ్!!

బంగారు దుకాణం యజమాని ఇంట్లో జరిగిన భారీ దొంగతనం కేసును పోలీసులు చాకచక్యంగా ఛేదించారు. కారుడ్రైవరే చోరీకి పాల్పడినట్లు తేల్చారు. నిందితుడిని అదుపులోకి తీసుకున్న పోలీసులు రూ.76 లక్షల విలువైన బంగారం స్వాధీనం చేసుకున్నారు. పోలీసులు తెలిపిన వివరాల మేరకు.. నెల్లూరు నగరంలోని అధ్యక్షం వీధికి చెందిన సంజయ్‌ కుమార్‌ షా బంగారం దుకాణం నిర్వహిస్తున్నాడు. రోజుమాదిరిగానే ఈ నెల 12 వ తేదీ రాత్రి కేజీన్నర బంగారం( 336 జతల చెవి కమ్మలు ) గుమాస్తా శ్రావణ్‌ సింగ్‌కి ఇచ్చి మేడపై ఉన్న లాకర్‌లో పెట్టమని చెప్పాడు. అతను లాకర్‌లో పెట్టి తాళాలు తీసుకొచ్చి సంజయ్‌ కుమార్‌కి ఇచ్చాడు. తాళాలు టీవీ టేబుల్‌పై పెట్టిన సంజయ్ రాత్రి నిద్రపోయాడు. మరుసటి రోజు ఉదయం లాకర్ తాళాలు తెరిచి చూడడంతో అందులో పెట్టిన కేజీన్నర బంగారు వస్తువులు కనిపించలేదు. వెంటనే గుమాస్తాను పిలిచి ప్రశ్నించడంతో తనకేమీ తెలియదని ఓనర్‌కి సమాధానమిచ్చాడు. సుమారు రూ.76 లక్షల విలువైన బంగారం చోరీకి గురవడంతో యజమాని సంజయ్ వెంటనే పోలీసులను ఆశ్రయించాడు. కేసు నమోదు చేసిన చిన్నబజారు పోలీసులు విచారణ చేపట్టారు. రాత్రికి రాత్రే చడీచప్పుడు లేకుండా బంగారం మాయం కావడంతో ఇంటి దొంగల పనే అయి ఉంటుందని అనుమానించారు. ఆ దిశగా దర్యాప్తు మొదలుపెట్టారు. తొలుత గుమాస్తా శ్రావణ్‌ సింగ్‌ని అదుపులోకి తీసుకుని ప్రశ్నించారు. అతను కాదని నిర్ధారణ కావడంతో ఇంట్లో ఇంకెవరు ఉంటారన్న విషయంపై దృష్టి సారించారు. యజమాని సంజయ్ వద్ద కారు డ్రైవర్‌గా పనిచేస్తున్న శశాంక్ ఆనంద్ కూడా గుమాస్తాతో కలసి ఆ ఇంట్లోనే ఉంటాడని తెలియడంతో అనుమానించారు. బెంగళూరుకి చెందిన శశాంక్ రెండు నెలల కిందటే ఉద్యోగంలో చేరినట్లు గుర్తించారు. అనుమానంతో అతని కదలికలపై నిఘా పెట్టిన పోలీసులకి నెల్లూరు బస్టాండ్ వద్ద అనుమానాస్పదంగా తిరుగుతూ కనిపించాడు. బ్యాగ్‌తో అటూఇటూ తచ్చాడుతుండడంతో వెంటనే అతన్ని అదుపులోకి తీసుకుని స్టేషన్‌కి తరలించారు. Read Also: అతని బ్యాగ్‌ని తెరిచిచూడడంతో అసలు బాగోతం బయటపడింది. చోరీ సొత్తుతో ఊరుదాటేద్దామనుకుంటున్న సమయంలో పోలీసులకి దొరికిపోయాడు. స్టేషన్‌లో పోలీసులు తమ స్టైల్లో విచారించడంతో అసలు నిజాలు కక్కేశాడు. చేసినట్లు ఒప్పుకున్నాడు. అతని వద్ద నుంచి రూ.76.25 లక్షల విలువైన 1,525 గ్రాముల బంగారం స్వాధీనం చేసుకున్నారు. నిందితుడిని అరెస్టు చేసి జైలుకి పంపించారు. Also Read:

By December 22, 2020 at 01:12PM

Read More https://telugu.samayam.com/latest-news/crime/man-steals-rs-76-lakh-worth-gold-ornaments-in-nellore/articleshow/79853832.cms