కొత్త కరోనా: ఒకరి నుంచి 95 మందికి వ్యాప్తి.. ఏడుగురి మరణానికి కారకుడైన ఆ ఒక్కడు
వైరస్ స్ట్రెయిన్ యూకేలో అత్యంత వేగంగా విస్తరిస్తోంది. ఈ మహమ్మారి 70 శాతం వేగంగా వ్యాపిస్తున్నట్టు శాస్త్రవేత్తలు పేర్కొన్న విషయం తెలిసిందే. ఇది ఒకరి నుంచి 85 మందికి సోకుతుండగా.. ప్రస్తుత వారంలో 95కు చేరి ఉండొచ్చని అంచనా వేస్తున్నారు. ముఖ్యంగా లండన్‌లో పాజిటివ్‌ కేసులులు ఎక్కువగా వస్తున్నాయి. కాగా, ఉత్తర ఐర్లాండ్‌, ఇజ్రాయెల్‌లోనూ బ్రిటన్ స్ట్రెయిన్ కేసులను గుర్తించారు. కొత్త కరోనా స్పైక్‌ ప్రొటీన్‌లో ఏర్పడే రెండు మ్యుటేషన్లు మానవ కణజాల గోడలను సులభంగా అతక్కుంటూ, శరీరంలోకి ప్రవేశిస్తున్నట్లు శాస్త్రవేత్తలు గుర్తించారు. దీని వల్లే ప్రజలు తీవ్ర అస్వస్థతకు గురవుతున్నట్లు బ్రిటన్ పరిశోధకులు వెల్లడించారు. ఇజ్రాయేల్‌లో ఇలా పాజిటివ్‌గా నిర్ధారణ అయిన నలుగురిలో ముగ్గురు యూకే నుంచి వచ్చినవారే ఉన్నారు. అటు, నైజీరియాలో గుర్తించిన కరోనా కొత్తరకం స్ట్రెయిన్.. బ్రిటన్, దక్షిణాఫ్రికాల కంటే భిన్నమైనదని చెబుతున్నారు. అలాగే, అమెరికాలోని డగ్లస్ కౌంటీలో ఓ వ్యక్తి కరోనా వైరస్ లక్షణాలు స్పష్టంగా కనిపిస్తున్నా, నిర్లక్ష్యంగా వ్యవహరించి వందలాది మంది బాధితులుగా మారి, ఏడుగురు మరణానికి కారకుడయ్యాడు. లక్షణాలు కనిపించినా ఆఫీసుకు సైతం వెళ్లివస్తూ కొద్ది రోజుల తర్వాత కోవిడ్ పరీక్షలు చేయించుకుంటే పాజిటివ్‌ వచ్చింది. కానీ.. అతడికేమీ కాలేదు. అతడి బాధ్యతారాహిత్యానికి వందల మంది బాధితులయ్యారు. ఇలాంటి ఘటనే మరొకటి అదే ప్రాంతంలో జరిగింది. ఈ వ్యక్తి నిర్లక్ష్యానికి 300 మంది క్వారంటైన్‌‌లోని వెళ్లారు. ఈ రెండు ఘటనలు వారం క్రితం డగ్లస్ కౌంటీలోని వేర్వేరు ప్రాంతాల్లో జరిగాయి. ఆ ప్రాంతం మొత్తం కేసుల్లో ఐదో వంతు కేసులు, మరణాలకు ఈ ఇద్దరే కారణం కావడం గమనార్హం. ఒంటెల్లో ఉండే లామా అనే నానోబాడీలతో.. కొవిడ్‌-19(సార్స్‌ కోవ్‌-2) వ్యాప్తిని అత్యంత సమర్థవంతంగా అడ్డుకోవచ్చని అమెరికాలోని నేషనల్‌ ఇనిస్టిట్యూట్‌ ఆఫ్‌ సైన్స్‌ శాస్త్రవేత్తలు పేర్కొన్నారు. ఎన్‌ఐహెచ్‌-కోవ్‌ఎన్‌బీ-112 నానోబాడీలు స్పైక్‌ ప్రొటీన్‌‌కు అంటిపెట్టుకోవడం ద్వారా మానవ కణానికి అనుసంధానం కావడానికి వీల్లేకుండా చేస్తాయి. దీంతో వైరస్ చొరబాటుకు అడ్డుకట్ట పడుతుంది.
By December 25, 2020 at 07:10AM
No comments