కుక్కతో ఆడుకుంటూ జారిపడ్డ జో బైడెన్.. కాలికి గాయాలు

అమెరికా అధ్యక్ష ఎన్నికల్లో విజయం సాధించిన డెమొక్రాటిక్ పార్టీ అభ్యర్థి .. తన పెంపుడు కుక్కతో ఆడుకుంటూ కిందపడ్డారు. జర్మన్ షెపర్డ్‌తో ఆడుకుంటుండగా జారిపడ్డ బైడెన్‌కు గాయమయ్యింది. ఆయన చీలమండకు గాయం కావడంతో డెలావేర్‌లోని ఎముకల వైద్య నిపుణుడిని సంప్రదించారు. శనివారం ఈ సంఘటన జరిగినట్టు అధికార వర్గాలు తెలిపాయి. వైద్యుడి సలహా మేరకు బైడెన్‌‌కు ఎక్స్‌రే, సీటీ స్కాన్ చేశారని పేర్కొన్నాయి. చీలమండ గాయం కావడంతో కొద్దివారాలు జో బైడెన్‌ ప్రొటెక్టివ్ బూట్లను ధరించాల్సి ఉంటుందని వివరించాయి. చీలమండ స్వల్పంగా చిట్లినట్టు సీటీ స్కాన్‌లో గుర్తించాని ఆయన వ్యక్తిగత ఫిజీషియన్ కెవిన్ ఓ కొనోర్ తెలిపారు. రెండు కుక్కలను పెంచుకుంటున్న జో.. 2018లో దత్తత తీసుకున్న మేజర్త్‌తో ఆడుకుంటుండగా జారిపడినట్టు ఆయన కార్యాలయం తెలిపింది. అమెరికాకు 46 వ అధ్యక్షుడిగా ఎన్నికైన బైడెన్‌.. 300కిపైగా ఎలక్టోరల్‌ ఓట్లు సాధించి డొనాల్డ్ ట్రంప్‌ను ఓడించారు. ఆయన జనవరి 20న అధ్యక్షుడిగా బాధ్యతలు చేపట్టనున్నారు. ఇక, 2008 నుంచి చాంప్ అనే కుక్కను బైడెన్‌ దంపతులు పెంచుకుంటున్నారు. మేజర్ అనే జర్మన్‌ షెపర్డ్‌ను 2018లో డెలావేర్ హ్యూమన్ సొసైటీ నుంచి దత్తత తీసుకున్నారు. అప్పటి నుంచీ ఈ రెండు కుక్కలను ప్రేమగా పెంచుకుంటున్నారు. ఇప్పడు వైట్‌హౌస్‌కి కూడా అవి వారితోపాటే వెళ్లనున్నాయి. దీంతో శ్వేతసౌధంలో అడుగుపెట్టనున్న మొట్టమొదటి రెస్క్యూడాగ్‌గా మేజర్‌ చరిత్రకు ఎక్కనుంది.

By November 30, 2020 at 09:46AM

Read More https://telugu.samayam.com/latest-news/international-news/us-president-elect-joe-biden-suffers-hairline-fractures-in-foot-while-playing-with-dog/articleshow/79484740.cms