ఇంటీరియర్ డిజైనర్ ఆత్మహత్య కేసు.. రిపబ్లిక్ టవీ ఎడిటర్ అర్నాబ్ గోస్వామి అరెస్ట్

ఇంటీరియర్ డిజైనర్, ఆమె తల్లిని ఆత్మహత్య చేసుకునేలా ప్రేరేపించారనే ఆరోపణలపై ప్రముఖ జర్నలిస్ట్ అర్నాబ్ గోస్వామిని ముంబయి పోలీసులు బుధవారం తెల్లవారుజామున అరెస్ట్ చేశారు. ఆర్కిటెక్ట్ సంస్త కోకార్డ్ డిజైన్ మేనేజింగ్ డైరెక్టర్ అన్‌వయ్ నాయక్‌ను ఆత్మహత్యకు ప్రేరేపించినట్టు అర్నాబ్ ఆరోపణలు ఎదుర్కొంటున్న విషయం తెలిసిందే. ‘అర్నాబ్ ఏర్పాటుచేసిన రిపబ్లిక్ టీవీ స్టూడియో నిర్మాణానికి రూ .83 లక్షలు బాకీ పడ్డారు.. మరో రెండు కంపెనీలు ఐకాస్ట్ ఎక్స్ / స్కిమీడియా, స్మార్ట్ వర్క్స్ కూడా బకాయిలను తీర్చడంలో విఫలమయ్యాయి.. ఈ మూడు కంపెనీలు మొత్తంరూ .5.40 కోట్లు బాకీ పడ్డాయి’ అని పోలీసులు తెలిపారు. అర్నబ్ గోస్వామి ఇంటి వద్ద బుధవారం తెల్లవారుజామున హైడ్రామా చోటు చేసుకుంది. ముంబై పోలీసులు ఆయన్ను అరెస్ట్ చేసేందుకు వెళ్లిన సమయంలో ఇరువురి మధ్య ఘర్షణ చోటు చేసుకుంది. పోలీసుల రాకను గమనించి అర్నాబ్ ఇంటి తలుపులు తెరవడానికి నిరాకరించారు. దాదాపు గంటపాటు ఆయన పోలీసులను ఇంట్లోకి రానీయకుండా అడ్డుకున్నారు. అప్పటికే రిపబ్లిక్ టీవీ సిబ్బంది పలువురు అక్కడకి చేరుకున్నట్టు పోలీసులు తెలిపారు. తమ ఆపరేషన్ రహస్యంగా సాగిందని, దీనిని మొత్తం వీడియో తీసినట్టు పోలీసులు వెల్లడించారు. అర్నాబ్, ఆయన భార్య తమకు సహకరించలేదని, ఇద్దరూ వీడియో రికార్డింగ్ చేస్తూ పోలీసులు దాడిచేశారని ఆరోపణలు గుప్పించారని పేర్కొన్నారు. అరెస్ట్ అనంతరం అర్నబ్ గోస్వామి పోలీసులపై పలు ఆరోపణలు చేశారు. ముంబై పోలీసులు తనతో పాటు తన భార్య,కుమారుడు,అత్త-మామలపై కూడా భౌతిక దాడి చేశారని ఆరోపించారు. కేసు పూర్వాపరాల్లోకి వెళితే.. అలీబౌగ్ సమీపంలోని కవీర్ గ్రామం వద్ద ఫౌమ్‌హౌస్‌లో అన్వయ్ నాయక్, అతడి తల్లి ఆత్మహత్యకు పాల్పడ్డారు. ఈ ఘటన 2018లో చోటుచేసుకోగా.. సూసైడ్ నోట్‌లో పేరు ప్రస్తావించారు. మూడు సంస్థలు తమకు చెల్లించాల్సిన నగదు ఇప్పటి వరకు ముట్టజెప్పలేదని అందులో పేర్కొన్నారు. దీంతో అన్వయ్ నాయక్ భార్య అక్షత ఫిర్యాదు ఆధారంగా అర్నాబ్‌పై రాయ్‌గఢ్ పోలీసులు కేసు నమోదుచేశారు. అర్నాబ్ గోస్వామికి చెందిన ఏఆర్జీ ఔటలైర్స్ రూ.83 లక్షలు, ఫిరోజో షేక్ చెందిన స్కిమీడియా రూ.4 కోట్లు, నితేశ్ సర్దాకు చెందిన స్మార్ట్ వర్క్ రూ.55 లక్షలు బాకీ ఉన్నట్టు ఫిర్యాదులో అక్షత పేర్కొన్నారు. తన భర్త, అత్తలను ఆత్మహత్యకు పురికొల్పేలా అర్నాబ్ ప్రేరేపించినట్టు ఆమె ఆరోపించారు.

By November 04, 2020 at 10:29AM

Read More https://telugu.samayam.com/latest-news/india-news/maharashtra-police-arrest-republic-tv-editor-in-chief-arnab-goswami-in-abetment-to-suicide-case/articleshow/79034622.cms