కేరళ: కూలిపోయిన నేవీ శిక్షణ విమానం.. ఇద్దరు అధికారులు మృతి

నౌకదళానికి చెందిన శిక్షణ విమానం కుప్పకూలిన ఇద్దరు దుర్మురణం చెందిన ఘటన కేరళలో ఆదివారం చోటుచేసుకుంది. రోజువారీ శిక్షణలో భాగంగా సదరన్ నావెల్ కమాండ్‌కు చెందిన గ్లయిడర్ తిరుగు ప్రయాణంలో కూలిపోయింది. కోచి తీరంలోని ఐఎన్ఎస్ గరుడ నుంచి బయలుదేరిన విమానం తొప్పుంపాడి బీఓటీ వంతెన వద్ద కూలిపోయినట్టు అధికారులు తెలిపారు. ఉదయం 7.00 గంటల ప్రాంతంలో ఈ ప్రమాదం చోటుచేసుకుంది. ఈ ప్రమాదంలో లెఫ్టినెంట్ రాజీవ్ ఝా, పెట్టీ ఆఫీసర్ సునీల్ కుమార్ మృతిచెందినట్టు ధ్రువీకరించారు. ఈ ఇద్దరు అధికారులు ఐఎన్‌హెచ్ఎస్ సంజీవని నుంచి బయలుదేరినట్టు తెలిపారు. ప్రమాదానికి గల కారణాలు తెలియాల్సి ఉంది. ఈ ప్రమాదం గురించి సమాచారం అందుకున్న నౌకాదళ అధికారులు, పోలీసులు.. ఘటనా స్థలికి చేరుకుని సహాయక చర్యలు చేపట్టారు. మృతదేహాలను బయటకు తీసి, పోస్ట్‌మార్టం కోసం తరలించారు. విమానం కూలిన ప్రాంతాన్ని స్వాధీనం చేసుకుని, దర్యాప్తు చేపట్టారు. ఇదిలా ఉండగా విమాన ప్రమాదంపై విచారణకు ఆదేశించింది. రాజీవ్ ఝా ఉత్త‌రాఖండ్‌కు చెందిన‌వారు కాగా... ఆయ‌న‌కు భార్యా, ఇద్ద‌రు పిల్ల‌లు ఉన్నారు. సునీల్ కుమార్ స్వ‌స్థ‌లం బీహార్. ఆయ‌న‌కు ఇంకా వివాహం కాలేదు. రెండు రోజుల క్రితం క‌ర్ణాట‌క‌లోని క‌ర్వార్ ప్రాంతంలో ఇటువంటి ప్రమాదమే చోటుచేసుకుంది. శిక్ష‌ణ విమానం కూలిన ఘటనలో ఓ అధికారి ప్రాణాలు కోల్పోయారు. విమానం స‌ముద్రంలో ప‌డిపోవ‌డంతో ఓ అధికారి మ‌ర‌ణించ‌గా, మ‌రొక‌రు తీవ్రంగా గాయ‌పడ్డారు.

By October 04, 2020 at 11:37AM

Read More https://telugu.samayam.com/latest-news/india-news/two-officers-killed-in-navys-training-glider-crashes-in-kochi/articleshow/78473255.cms