గుడివాడలో గన్ కలకలం.. ఇల్లు కొనేందుకని లోపలికి వచ్చి.. షాక్

కృష్ణా జిల్లా గుడివాడలో కలకలం రేగింది. తుపాకీతో మహిళను బెదిరించి నగలు దోచుకెళ్లిన ఘటన స్థానికంగా సంచలనంగా మారింది. ఎన్నడూ లేని విధంగా పట్టణంలో చూపించి బెదిరించడం షాక్‌కు గురిచేస్తోంది. పట్టణంలోని టీచర్స్ కాలనీకి చెందిన గడ్డం రత్నకుమారి(62) తన ఇంటిని అమ్మకానికి పెట్టారు. ఓ మాల్ పనిచేస్తున్న ఆమె కుమార్తె ఫోన్ చేసి ఇంటిని చూసుకునేందుకు వస్తామని ఫోన్ చేశారు.. వస్తే ఇల్లు చూపించమని చెప్పింది. ఇంతలోనే ఓ యువకుడు బైక్‌పై హెల్మెట్ పెట్టుకుని రత్నకుమారి ఇంటికి వచ్చాడు. ఇల్లు అమ్ముతామన్నారని అడుగుతూ లోపలికి ప్రవేశించాడు. ఇల్లు మొత్తం కలియదిరుగుతూ నీళ్ల ట్యాప్‌లు సరిగ్గా పనిచేయడం లేదని చెప్పాడు. సింక్‌ని పరిశీలించిన రత్నకుమారి బాగానే పనిచేస్తోందని చెబుతుండగానే దుండగుడు ఆమె మెడ పట్టుకుని ఒంటిపై బంగారం మొత్తం ఇచ్చేయాలని బెదిరించాడు. భయపడిపోయిన మహిళ చేతికి ఉన్న బంగారు గాజులు తీసిచ్చింది. Also Read: అనంతరం ఆమె మెడలోని చైన్‌ ఇచ్చేయాలంటూ జేబులో నుంచి తుపాకీ తీసి ఆమె తలకి గురిపెట్టాడు. భయంతో చైన్ ఇచ్చేసిన వెంటనే ఆమెను బాత్రూమ్‌లోకి నెట్టేసి తలుపు వేసి బయటికి పారిపోయాడు. రత్నకుమారి తేరుకుని బాత్రూమ్‌ రెండో తలుపు తీసుకుని వచ్చేసరికే దుండగుడు పరారయ్యాడు. తొమ్మిది కాసుల బంగారం దోచుకెళ్లాడని బాధితురాలు పోలీసులకు ఫిర్యాదు చేసింది. తుపాకీతో బెదిరించి దోపిడీకి పాల్పడడంతో పోలీసులు అప్రమత్తమయ్యారు. గుడివాడలో గన్ కల్చర్‌పై పోలీసులు సీరియస్‌గా దృష్టి పెట్టినట్లు తెలుస్తోంది. నిందితుడి ఆనవాళ్లు తెలుసుకునేందుకు సీసీటీవీ ఫుటేజీలను జల్లెడ పడుతున్నారు. Read Also:

By October 20, 2020 at 12:21PM

Read More https://telugu.samayam.com/latest-news/crime/man-loots-gold-after-threatening-with-gun-in-gudivada/articleshow/78763763.cms