రాత్రివేళ రూటు మార్చిన ఆటో డ్రైవర్.. భయంతో యువతి.. తూర్పుగోదావరిలో షాకింగ్ ఘటన
యువతిని కిడ్నాప్ చేసేందుకు యత్నించాడో ఆటోడ్రైవర్. ఆ విషయం పసిగట్టిన యువతి అతని బారి నుంచి చాకచక్యంగా తప్పించుకుంది. విషయం అర్థమైన స్థానికులు నిందితుడిని పట్టి పోలీసులకు అప్పగించారు. ఈ షాకింగ్ ఘటన జిల్లాలో జరిగింది. పిఠాపురం సమీపంలోని గొల్లప్రోలుకి చెందిన యువతి కాకినాడలో నివాసముంటూ ఓ ప్రైవేట్ ఆస్పత్రిలో స్టాఫ్ నర్సుగా పనిచేస్తోంది. తన తల్లిని చూసేందుక గొల్లప్రోలు వచ్చిన యువతి.. తిరిగి వెళ్లేందుకు సిద్ధమైంది. పిఠాపురం నుంచి కాకినాడ వెళ్లేందుకు స్థానిక ఉప్పాడ సెంటర్‌లో రాత్రి వేళ ఆటో ఎక్కింది. చిత్రాడలోని మహాలక్ష్మి ఆలయ సమీపంలో డ్రైవర్ ఆటో రూటు మార్చేశాడు. కాకినాడ వైపు కాకుండా పుంతరోడ్డులోకి మళ్లించడంతో యువతి భయాందోళనకు గురైంది. ఇటువైపు ఎందుకు తిప్పావని ప్రశ్నించగా ఆటోడ్రైవర్ నిర్లక్ష్యంగా సమాధానమివ్వడంతో కిడ్నాప్ చేస్తున్నట్లు గుర్తించి అమాంతం ఆటోలో నుంచి దూకేసింది. Also Read: యువతి ఆటో నుంచి కిందపడి గాయాలవడం గుర్తించిన స్థానికులు ఆటోడ్రైవర్ కర్రి నాగబాబుని పట్టుకుని పోలీసులకు అప్పగించారు. గాయాలపాలైన యువతిని కాకినాడ ప్రైవేట్ ఆస్పత్రికి తరలించారు. బాధితురాలి ఫిర్యాదు మేరకు కిడ్నాప్ చేసేందుకు యత్నించిన ఆటోడ్రైవర్ నాగబాబుపై కేసు నమోదు చేసి దర్యాప్తు చేపట్టారు. Read Also:
By October 20, 2020 at 11:00AM
No comments