దివ్య ఒత్తిడితోనే వివాహం.. నాకూ న్యాయం కావాలి.. నిందితుడు నాగేంద్ర షాకింగ్ కామెంట్స్.!
విజయవాడలో కలకలం రేపిన బీటెక్ విద్యార్థిని దివ్య తేజస్విని హత్య కేసు రోజుకో మలుపు తిరుగుతోంది. దివ్య తేజస్వినిని కత్తితో పొడిచి చంపేసిన ఉన్మాది నాగేంద్ర ఆత్మహత్యాయత్నం చేసిన విషయం తెలిసిందే. జీజీహెచ్‌లో కోలుకుంటున్న నిందితుడు నాగేంద్ర సంచలన వ్యాఖ్యలు చేసినట్లు తెలుస్తోంది. మూడు సంవత్సరాల నుంచి తనకు దివ్యతో పరిచయం ఉందని నిందితుడు చెప్పినట్లు సమాచారం. ఏడాది కిందట దివ్యని పెళ్లి చేసుకున్నట్లు నాగేంద్ర తెలిపాడు. దివ్య ఒత్తిడితోనే వివాహం చేసుకున్నానని.. అందుకే ఏడు నెలలుగా తన నుంచి దివ్యను దూరం చేశారన్నాడు. దివ్యతో మాట్లాడేందుకు ఇంటికి వెళ్లానని.. పెద్దలు కాపురానికి ఒప్పుకోకపోవడంతో చనిపోదామని దివ్య చెప్పిందని నాగేంద్ర చెప్పినట్లు తెలుస్తోంది. తనకు వ్యతిరేకంగా ఆందోళనలు చేస్తున్న మహిళా సంఘాలపైనా నాగేంద్ర విమర్శలు చేసినట్లు సమాచారం. ఆడవాళ్ళకే కాదు.. మగవాళ్లకి కూడా అన్యాయం జరిగినప్పుడు మహిళా సంఘాలు ఆందోళన చేయాలని నిందితుడు అన్నట్లు తెలుస్తోంది. తనకూ న్యాయం కావాలని.. న్యాయం కోసం ఎలాంటి పోరాటానికైనా సిద్ధంగా ఉన్నానని చెప్పినట్లు ప్రచారం జరుగుతోంది. Also Read: ఇదిలా ఉంటే.. మరోవైపు మృతురాలు దివ్య తేజస్విని నాగేంద్రతో సన్నిహితంగా ఉన్న ఫొటోలు వైరల్‌గా మారాయి. ఇద్దరూ ప్రేమించి పెళ్లి చేసుకున్నారని ప్రచారం జరుగుతోంది. వాట్సాప్ చాట్ లిస్టులు బయటికొచ్చాయి. అయితే మృతురాలి తల్లి దివ్య ప్రేమ పెళ్లి ప్రచారాన్ని తీవ్రంగా ఖండించిన విషయం తెలిసిందే. ఆ ఫొటోలు అబద్ధమని ఆమె కొట్టి పారేశారు. Read Also:
By October 16, 2020 at 11:00AM
No comments