రాజస్థాన్: బయటపడ్డ భారీ సెక్స్ రాకెట్.. ప్రధాని సూత్రధారిగా బీజేపీ మహిళా నేత!

రాజస్థాన్‌లోని భారీ సెక్స్‌ రాకెట్‌ బయటపడగా... ఇందులో మహిళా నేత ఆరోపణలు ఎదుర్కొంటున్నారు. సవాయ్ మాధోపూర్ జిల్లా మహిళ మోర్చా అధ్యక్షురాలు సునీతా వర్మ ఈ రాకెట్‌ను నిర్వహిస్తున్నట్టు పోలీసులు తెలిపారు. సెప్టెంబరు 22న ఓ మైనర్ బాలిక పోలీసులకు ఫిర్యాదు చేయడంతో ఆమె గుట్టురట్టయ్యింది. సునీతా వర్మను పోలీసులు అరెస్టు చేయడంతో బీజేపీ జిల్లా అధ్యక్షుడు ఆమెను పార్టీ నుంచి సస్పెండ్‌ చేశారు. ఈ రాకెట్‌లో ముగ్గురు ప్రభుత్వ మహిళా ఉద్యోగులు, మరో మహిళను కూడా పోలీసులు అరెస్టు చేశారు. అలాగే, ఈ కేసుతో సంబంధం ఉన్న కాంగ్రెస్‌ సేవాదళ్‌ నాయకురాలు పూనం చౌదరి, మరో ఇద్దరు పరారీలో ఉన్నారు. అయితే, ఆమెతో తమ పార్టీకి సంబంధం లేదని ఖండించింది. దీంతో ఒక్కసారిగా రాజస్థాన్‌లో రాజకీయం వేడెక్కింది. పూనమ్ చౌదరి ఎవరో తమకు తెలియదని రాజస్థాన్ కాంగ్రెస్ అధ్యక్షుడు గోవింద్ సింగ్ దోత్సరా, సేవాదళ్ ప్రెసిడెంట్ హేమ్‌సింగ్ షెకావత్‌లు పేర్కొన్నారు. రాజస్థాన్‌లోని కాంగ్రెస్ ప్రభుత్వం కేవలం బీజేపీ నేతల పేర్లను మాత్రమే బయటపెడుతోందని ఆ పార్టీ ఎంపీ కల్నల్ రాజ్యవర్దన్ సింగ్ రాథోడ్ ట్విట్టర్ వేదికగా ధ్వజమెత్తారు. ‘సవాయ్ మాధోపూర్‌ సెక్స్ రాకెట్ కేసులో రాజస్థాన్‌ కాంగ్రీస్ ప్రభుత్వం బీజేపీ లింక్‌లను మాత్రమే చూడగలదు! మేము దోషులు శిక్షించాలని మాత్రమే కాదు, ఈ దందాలో ఉన్న అందరి పేర్లను బయటపెట్టాలని కోరుకుంటున్నాం’ అని అన్నారు. డబ్బుల కోసం బలవంతంగా తనను సునీత వర్మా వ్యభిచారంలోకి దింపిందని బాధితురాలు పోలీసులకు ఇచ్చిన ఫిర్యాదులో పేర్కొంది. తనపై అత్యాచారానికి పాల్పడి, దానిని వీడియో తీశారని తెలిపింది. దీనిని అడ్డుపెట్టుకుని తనను బ్లాక్‌మెయిల్ చేశారని వివరించింది. గతేడాది అక్టోబరు నుంచి మే మధ్య బాధితురాలిపై లైంగిక దోపిడీ జరిగినట్టు పోలీసుల విచారణలో తేలింది. బాలికపై ముగ్గురు అత్యాచారానికి పాల్పడినట్టు తెలిపారు. అయితే, వారి వివరాలను వెల్లడించడానికి నిరాకరించారు. సునీత వర్మా, పూనమ్ చౌదురిలు బాలికతో స్నేహం చేసి, కొద్ది రోజుల తర్వాత ఓ బీజేపీ నేత వద్దకు ఆమె తీసుకెళ్లారని సీఐ ఓమ్ ప్రకాశ్ సోలాంకీ తెలిపారు. బాలికతో బలవంతంగా వ్యభిచారం చేయించి, ఆయన వద్ద డబ్బు తీసుకున్నట్టు పేర్కొన్నారు. ఈ కేసులో వర్మ ఇంటిలో పనిచేసే ఎలక్ట్రీషియన్‌ను అదుపులోకి తీసుకున్నారు. ఆగస్టు 4 మరోసారి బాలికను జైపూర్ పంపేందుకు సునీత ప్రయత్నించిందన్నారు.

By October 04, 2020 at 09:14AM

Read More https://telugu.samayam.com/latest-news/india-news/bjp-women-leader-alleged-runs-sex-racket-in-rajasthan-triggers-political-row/articleshow/78471997.cms