భార్యపై భర్త కత్తితో దాడి.. దారుణంగా కత్తిపోట్లు.. సీసీటీవీ వీడియో
ప్రేమించి పెళ్లి చేసుకున్న రెండు సంవత్సరాలకు మనస్పర్ధలోచ్చి భార్యాభర్తలు వేర్వేరుగా జీవనం సాగిస్తున్న వేళ ఉన్నట్టుండి భర్త తన భార్యపై కత్తితో దాడి చేశాడు. జిల్లా కేంద్రంలో ఈ ఘటన జరిగింది. హైదరాబాద్ నాంపల్లికి చెందిన వెంకటేష్, శంకర్ పల్లి మండలం అంతప్పగూడకు చెందిన సుజాతలు గత నాలుగు సంవత్సరాల క్రితం ప్రేమించి పెళ్ళి చేసుకున్నారు. ఇద్దరి మద్య మనస్పర్ధలు రావడంతో విడిపోయి వేర్వేరుగా భార్య వికారాబాద్‌లో భర్త హైదరాబాద్‌లో ఉంటున్నారు. ఈ క్రమంలో భర్త వెంకటేష్‌పై భార్య సుజాత వికారాబాద్ మహిళ పోలీసులకు ఫిర్యాదు చెసింది. విషయం తెలుసుకున్న వెంకటేష్ భార్యతో మాట్లాడదామని వికారాబాద్‌కు వచ్చి తను పని చేస్తున్న లేడీస్ కార్నర్ దుకాణం వద్ద దగ్గర గొడవపడ్డాడు. ఈ క్రమంలో మాటమాట పెరగడంతో వెంకటేష్ తన భార్యపై కత్తితో దాడి చేశాడు. తీవ్ర గాయాలైన సుజాతను స్థానికులు వికారాబాద్ ఆసుపత్రికి తరలించారు. పరిస్థితి విషమంగా ఉంండంతో హైదరాబాద్ ఆసుపత్రికి తరలించారు. పోలీసులు కేసు నమోదు చేసుకొని దర్యాప్తు చేస్తున్నారు. ఈ ఘటన మొత్తం సీసీటీవీ కెమెరాలో రికార్డయింది. ఏ మాత్రం జాలీ దయ లేకుండా భార్యపై వెంకటేష్ దారుణంగా కత్తితో దాడి చేశాడు. ఆమె తప్పించుకొనే ప్రయత్నం చేసినా కత్తితో పొడుస్తూనే ఉన్నాడు. దుకాణంలోని వారు దీన్ని గమనించి అక్కడికి రావడంతో అతను పరారయ్యాడు.
By October 02, 2020 at 06:42AM
No comments