‘అంధాధున్’ రీమేక్‌లో ఐశ్వర్యరాయ్?.. 22ఏళ్ల తర్వాత ఆ హీరోతో
బాలీవుడ్‌లో సూపర్‌హిట్‌గా నిలిచిన ‘అంధాదున్’ సినిమాపై దక్షిణాది సినీ పరిశ్రమ ఆసక్తి కనబరుస్తోంది. ఇప్పటికే ఈ సినిమాను తెలుగులో రీమేక్ చేసేందుకు నితిన్ ఓకే చెప్పిన సంగతి తెలిసిందే. ఇందులో టబు పాత్రలో తమన్నా నెగిటివ్ షేడ్స్ ఉన్న పాత్రలో నటిస్తుండగా, నభానటేష్‌ను హీరోయిన్‌గా ఓకే చేసేశారు. ఈ సినిమాను తమిళంలో రీమేక్ చేస్తున్నట్లు సీనియర్ హీరో తండ్రి, ప్రముఖ నిర్మాత తియగరాజన్ ప్రకటించారు. ఇందులో హీరోగా ప్రశాంత్ నటిస్తుండగా, టబు పాత్ర కోసం మాజీ విశ్వసుందరి ఐశ్వర్యారాయ్ బచ్చన్‌ను సంప్రదించినట్లు తియగరాజన్ తెలిపారు. ‘ఈ సినిమాలో టబు పాత్ర కోసం ఐశ్వర్యరాయ్‌తో చర్చలు జరుపుతున్నాం. ఇప్పటివరకు ఆమె నుంచి ఎలాంటి రెస్పాన్స్ రాలేదు. ఐశ్వర్య ఓకే చెబితే మాత్రం 22ఏళ్ల తర్వాత మళ్లీ ప్రశాంత్, ఐశ్వర్యను కలిసి సిల్వర్‌స్ర్కీన్‌పై చూడొచ్చు’ అని జాతీయ మీడియాతో చెప్పారు. ప్రముఖ దర్శకుడు శంకర్ తెరకెక్కించిన ‘జీన్స్’ సినిమాలో 1998లో విడుదలైంది. అందులో ప్రశాంత్, జోడీగా నటించారు. బ్లాక్‌బస్టర్ హిట్‌గా నిలిచిన ఆ చిత్రం ఇద్దరికీ మంచి బ్రేక్ ఇచ్చింది. దీంతో ఇప్పుడు వారిద్దరు కలిసి నటించనున్నారన్న వార్త కోలీవుడ్‌లో హాట్ టాపిక్‌గా మారింది. గతేడాది తెలుగులో వచ్చిన ‘వినయ విధేయ రామ’లో ప్రశాంత్.. రామ్‌చరణ్‌కు అన్నగా నటించిన విషయం తెలిసిందే. ‘అంధాధున్’ రీమేక్ కోసం ఆయన ఏకంగా 23 కిలోల బరువు తగ్గినట్లు సమాచారం. ఈ సినిమాలో ముఖ్య పాత్రల కోసం సీనియర్ హీరో నటుడు కార్తీక్, హాస్యనటుడు యోగిబాబులను ఖరారు చేసినట్లు తెలుస్తోంది. బాలీవుడ్‌లో ఆయుష్మాన్‌ ఖురానా ప్రధాన పాత్రలో 2018లో విడుదలైన ‘అంధాధూన్’ చిత్రం సూపర్‌ హిట్‌గా నిలిచింది. ఇందులో అంధుడిగా ఆయుష్మాన్‌ నటనకు విమర్శకు నుంచి ప్రశంసలు కురిశాయి. ఆ పాత్రకు గాను ఉత్తమ నటుడిగా కూడా ఎంపికయ్యాడు. మరి తెలుగులో నితిన్, తమిళంలో ప్రశాంత్ ఆ పాత్రను ఎలా చేస్తారో చూడాలి. Also Read:
By October 14, 2020 at 07:36AM
No comments