‘అల్లుడు అదుర్స్’ షూటింగ్ షురూ.. కీలక సన్నివేశాల చిత్రీకరణ

‘రాక్షసుడు’ సినిమాతో సూపర్ హిట్ అందుకున్న యంగ్ హీరో బెల్లంకొండ సాయి శ్రీనివాస్.. ప్రస్తుతం ‘కందిరీగ’ ఫేమ్ సంతోష్ శ్రీనివాస్ దర్శకత్వంలో ‘అల్లుడు అదుర్స్’ సినిమా చేస్తున్నారు. ఒక మంచి ఫ్యామిలీ ఎంటర్‌టైనర్‌గా ఈ చిత్రం రూపొందుతోంది. కరోనా వైరస్, లాక్‌డౌన్ కారణంగా తాత్కాలికంగా ఆగిన ‘అల్లుడు అదుర్స్’ షూటింగ్ సోమవారం తిరిగి ప్రారంభమైంది. హైదరాబాద్‌లో జరుగుతోన్న ఈ సినిమా షూటింగ్‌లో , ప్రకాష్ రాజ్‌పై కీలక సన్నివేశాలను చిత్రీకరిస్తున్నారు. ఈ సినిమాలో శ్రీనివాస్ సరసన నభా నటేష్, అను ఇమ్మానుయేల్ హీరోయిన్లుగా నటిస్తున్నారు. ఇప్పటికే విడుదలైన ‘అల్లుడు అదుర్స్’ ఫస్ట్ లుక్ పోస్టర్‌కు అన్ని వర్గాల నుంచి అద్భుతమైన స్పందన వచ్చింది. త్వరలోనే టీజర్‌ను విడుదల చేయనున్నట్టు చిత్ర యూనిట్ వెల్లడించింది. వచ్చే ఏడాది సంక్రాంతికి ‘అల్లుడు అదుర్స్’ను విడుదల చేయడానికి సన్నాహాలు చేస్తున్నారు. ఈ చిత్రాన్ని సుమంత్ మూవీ ప్రొడక్షన్స్ బ్యానర్‌పై సుబ్రహ్మణ్యం గొర్రెల నిర్మిస్తున్నారు. ప్రకాష్ రాజ్, సోనూ సూద్, వెన్నెల కిశోర్ ముఖ్య పాత్రలు పోషిస్తున్న ఈ చిత్రానికి దేవిశ్రీ ప్రసాద్ సంగీతం సమకూరుస్తున్నారు. చోటా కె నాయుడు సినిమాటోగ్రఫీ అందిస్తున్నారు. అవినాష్ కొల్ల ఆర్ట్ డైరెక్టర్. రామ్ - లక్ష్మణ్ యాక్షన్ డైరెక్టర్లు. తమ్మిరాజు ఎడిటర్. ఈ చిత్రాన్ని రమేష్ కుమార్ గంజి సమర్పిస్తున్నారు. Also Read:

By September 21, 2020 at 01:26PM

Read More https://telugu.samayam.com/telugu-movies/cinema-news/bellamkonda-sai-srinivas-santhosh-srinivass-alludu-adhurs-shoot-resumes/articleshow/78231116.cms