పప్పుగుత్తితో భర్తని చంపిన భార్య.. అనంతపురంలో దారుణం

జిల్లాలో దారుణ ఘటన చోటుచేసుకుంది. ప్రియుడితో కలసి భార్య ఘాతుకానికి పాల్పడింది. కట్టుకున్న భర్తని కిరాతకంగా హత్య చేసింది. పప్పు గుత్తితో తలపై కొట్టి అమానుషంగా అంతమొందించింది. అనంతరం ఆత్మహత్యగా చిత్రీకరించేందుకు హైడ్రామకు తెరతీసి అడ్డంగా బుక్కైంది. ఈ దారుణ ఘటన జిల్లాలోని మండలం దొడగట్ట గ్రామంలో జరిగింది. గ్రామానికి చెందిన శ్రీనివాస్ చౌదరి(36)కి తొమ్మిదేళ్ల కిందట అదే ప్రాంతానికి చెందిన సరితతో వివాహమైంది. ఏడేళ్ల కూతురు సంతానం. కొద్దికాలం సాఫీగానే సాగిన కాపురంలో కలతలు మొదలయ్యాయి. భార్య సరిత అదే గ్రామానికి చెందిన ప్రభాకర్ అనే వ్యక్తితో వివాహేతర సంబంధం పెట్టుకోవడంతో తరచూ ఇద్దరి మధ్య గొడవలు జరుగుతున్నాయి. భార్య ప్రవర్తన నచ్చని శ్రీనివాస్ చౌదరి మద్యానికి బానిసగా మారాడు. నిత్యం తాగి వస్తుండడంతో భార్య గొడవపడేది. మరోమారు ఫుల్లుగా తాగి రాత్రివేళ ఆలస్యంగా ఇంటికి రావడంతో సరిత భర్తతో గొడవపడింది. ఇద్దరి మధ్య తీవ్ర ఘర్షణ జరగడంతో మద్యం మత్తులో ఉన్న భర్తని పప్పు కాడతో చావబాదింది. తలపై బలంగా కొట్టడంతో శ్రీనివాస్ అక్కడికక్కడే కుప్పకూలిపోయాడు. అనంతరం హత్యని ఆత్మహత్యగా చిత్రీకరించేందుకు హైడ్రామాకు తెరతీసింది. శ్రీనివాస్ శవాన్ని చెట్టుకు వేలాడదీసి ఉరేసుకుని చనిపోయాడని నమ్మించే ప్రయత్నం చేసి అడ్డంగా బుక్కైంది. Also Read: ప్రియుడు ప్రభాకర్‌తో కలసి కోడలు సరిత తన కొడుకును హత్య చేసిందని మృతుడి తండ్రి రామచంద్రప్ప పోలీసులకు ఫిర్యాదు చేశారు. ఆయన ఫిర్యాదు మేరకు కేసు నమోదు చేసిన పోలీసులు విచారణ చేపట్టారు. డీఎస్పీ, సీఐ ఘటనా స్థలాన్ని పరిశీలించారు. భార్య, ఆమె ప్రియుడు దారుణంగా చంపేసి ఉరికి వేలాడదీసినట్లు ప్రాథమిక విచారణలో తేలినట్లు సమాచారం. నిందితులిద్దరినీ పోలీసులు అదుపులోకి తీసుకుని ప్రశ్నిస్తున్నారు. Read Also:

By September 22, 2020 at 11:38AM

Read More https://telugu.samayam.com/latest-news/crime/woman-kills-husband-brutally-in-anantapur-district/articleshow/78249680.cms