Bigg Boss 4 Telugu Elimination: బిగ్ బాస్ హౌస్ నుంచి సూర్య కి‘రన్’.. డైరెక్టర్ దుకాణం క్లోజ్!

బిగ్ బాస్ సీజన్ 4 తొలివారం నామినేషన్స్‌లో ఉన్న గంగవ్వ, అఖిల్ సార్ధక్, , అభిజిత్, దివి వైద్య, సుజాత, మొహబూబ్‌లలో ఎవరు ఎలిమినేట్ కాబోతున్నారన్న దానిపై స్పష్ఠత వచ్చేసింది. ఇప్పటికే ఈ ఏడుగురులో గంగవ్వ, అభిజిత్, జోర్దార్ సుజాతలు సేఫ్ అయినట్లుగా ఆదివారం నాటి ఎపిసోడ్‌లో నాగార్జున ప్రకటించగా.. మిగిలిన నలుగురు అకిల్, దివి, సూర్య కిరణ్ మొహబూబ్‌లలో దర్శకుడు సూర్య కిరణ్‌ని ఎలిమినేట్ కాబోతున్నట్టు పక్కా సమాచారం. ప్రేక్షకుల ఓటింగ్ నాడి పట్టేందుకు సమయం తెలుగు తొలివారం ఎలిమినేషన్స్‌పై పోల్ నిర్వహించగా.. ఓటు ఎవరకి అంటే గంగవ్వకే అంటూ 47 శాతం ప్రజలు ఓట్లు వేశారు. అయితే ఎవరు ఎలిమినేట్ అవ్వాలని అనుకుంటున్నారనే పోల్ నిర్వహించగా.. దర్శకుడు సూర్య కిరణ్‌ అంటూ ఓట్లు గుద్దారు. హౌస్‌లోకి వచ్చిన మొదటి రోజు నుంచే ఇంటి సభ్యులపై చిరాకు పడతూ.. ఆయనేదో బిగ్ బాస్ హౌస్‌కి సూపర్ వైజర్‌లా వ్యవహరిస్తూ అందరిపై పెత్తనం చెలాయించడం ఇంటి సభ్యులకే కాకుండా ప్రేక్షకులకు విరక్తి కలిగేలే చేసింది. దీంతో ఆయన్ని హౌస్ నుంచి ఎంత త్వరగా పంపేస్తే అంత బెటర్ అన్న అభిప్రాయంలో దర్శకుడు సూర్య కిరణ్‌ని ఎలిమినేట్ చేయాలంటే ప్రేక్షకులు ఓట్లు వేశారు. ఈ ఓటింగ్‌లో సగానికి సగం మంది.. అంటే సుమారు 46 శాతం మంది ప్రేక్షకులు సూర్యకిరణ్ ఎలిమినేట్ కావాలని కోరగా.. తరువాతి స్థానంలో మెహబూబ్ 21 శాతం.. దివికి 14 శాతం.. గంగవ్వకు 9 శాతం.. సుజాతకు 6 శాతం.. అభిజిత్‌కి 4 శాతం ఓట్లు వచ్చాయి. ఇది అధికారిక ఓటింగ్ కానప్పటికీ.. పోల్ ఆధారంగా ఈవారం ఎలిమినేట్ కాబోయేది దర్శకుడు సూర్యకిరణ్ అని స్పష్ఠంగా తెలుస్తోంది. బిగ్ బాస్‌కి వచ్చి.. ఉన్న ఇమేజ్‌ను పోగుట్టుకోవడంతో పాటు.. అరిచి అరిచి గొంతు కూడా పోగొట్టుకున్నారు సూర్య కిరణ్.

By September 13, 2020 at 02:06PM

Read More https://telugu.samayam.com/telugu-movies/cinema-news/director-surya-kiran-to-get-eliminated-from-bigg-boss-house/articleshow/78088098.cms