అక్టోబరు నుంచి అమెరికాలో వ్యాక్సిన్ పంపిణీ.. డిసెంబరు నాటికి 10 కోట్ల డోస్‌లు: ట్రంప్
నవంబరు 1 నాటికి కరోనా వైరస్‌ వ్యాక్సిన్ అందుబాటులోకి వస్తుందని, పంపిణీకి సిద్ధంగా ఉండాలని ట్రంప్ యంత్రాంగం అన్ని రాష్ట్రాలకు లేఖలు రాసిన విషయం తెలిసిందే. ఇదిలా ఉండగా, కోవిడ్-19 వ్యాక్సిన్ గురించి ట్రంప్ మరోసారి ఆసక్తికర వ్యాఖ్యలు చేశారు. అక్టోబరు నుంచి అమెరికా వ్యాప్తంగా వ్యాక్సిన్ పంపిణీ ప్రారంభమవుతుందని, ఈ ఏడాది చివరినాటికి దాదాపు 10 కోట్ల డోస్‌లను అందజేయనున్నామని పేర్కొన్నారు. ఆయన మీడియాతో మాట్లాడుతూ.. ‘అత్యంత రక్షణ, సమర్ధవంతమైన విధానంలో వ్యాక్సిన్ సరఫరా, పంపిణీ చేయనున్నాం.. అక్టోబరులోని ఏదో ఒక సమయంలో ఇది ప్రారంభమవుతుంది.. దీనిపై వీలైనంత త్వరగా ప్రకటన చేస్తాం.. బహుశా అక్టోబరు మధ్యలో లేదా తర్వాత అనేది నిర్ణయిస్తాం.. ఓ నిర్ణయానికి వచ్చిన వెంటనే విధి విధానాలు వెల్లడిస్తాం’ అన్నారు. ఇదే సమయంలో ప్రతిపక్ష డెమొక్రాట్ పార్టీపై విమర్శలు గుప్పించారు. టీకాపై వ్యతిరేక ప్రచారాన్ని డెమొక్రాట్లు మానుకోవాలని సూచించారు. ‘వ్యాక్సిన్‌కు వ్యతిరేకంగా చేస్తున్న ప్రచారాన్ని ఆపివేయమని బిడెన్‌కు కోరుతున్నాను.. ఎందుకంటే వారి ప్రయత్నాలకు మనం చేసే పని దాని ప్రాముఖ్యతను దెబ్బతీస్తోంది.. ఈ స్థితిలో మీరు ఉంటే, ఇది అద్భుతమని సంతోషంగా చెబుతారా’ అని వ్యాఖ్యానించారు. డెమొక్రాట్లు నిర్లక్ష్యంగా వ్యవహరించి, జీవితాలను ప్రమాదంలో పడేస్తారు.. వారి దగ్గర టీకా ఉంది కాబట్టే వ్యతిరేకంగా మాట్లాడుతున్నారు అని దుయ్యబట్టారు.వారి నిర్లక్ష్య వైఖరి వల్ల ప్రజల జీవితాలు ప్రమాదంలో పడుతుంది.. మేము అలా కానివ్వబోం. వ్యాక్సిన్ ఉందని లేదా త్వరలోనే వస్తుందని తెలుసుకాబట్టే వ్యతిరేకంగా మాట్లాడుతున్నారని మండిపడ్డారు. ఇప్పటి వరకూ అమెరికాలో 68 లక్షల మందికిపై బారినపడగా.. వీరిలో రెండు లక్షల మంది ప్రాణాలు కోల్పోయారు.
By September 17, 2020 at 06:54AM
No comments