వ్యాక్సిన్పై భారతీయ కంపెనీలు ఆసక్తి.. క్లినికల్ ట్రయల్స్ వివరాలు కోరాయి: రష్యా
ప్రపంచంలోనే కోవిడ్కు తొలి వ్యాక్సిన్ను రష్యా గతవారం విడుదల చేసింది. తమ వ్యాక్సిన్ కోసం 20 దేశాలు ఆసక్తిచూపుతున్నాయని, బిలియన్ డోస్లకు దరఖాస్తులు వచ్చినట్టు రష్యా ప్రకటించిన విషయం తెలిసిందే. తాజాగా, ఈ వ్యాక్సిన్ తయారీకి భారతీయ సంస్థలు కూడా ఆసక్తి చూపుతున్నాయని రష్యా అధికారిక మీడియా స్పుత్నిక్ పేర్కొంది. మొదటి, రెండో దశ క్లినికల్ ట్రయల్స్కు సంబంధించిన ఫలితాల సమాచారాన్ని తమకు ఇవ్వాలని రష్యన్ డైరెక్టర్ ఇన్వెస్ట్మెంట్ ఫండ్ (ఆర్టీఐఎఫ్)ను భారత కంపెనీలు కోరినట్టు తెలిపింది. రెగ్యులేటరీ అనుమతుల తరువాత మూడో దేశం ఎగుమతుల కింద వ్యాక్సిన్ల ఉత్పత్తి, ఉపయోగం కోసం భారతీయ కంపెనీలు కోరినట్టు వివరించింది. మరోవైపు, మొట్టమొదటి కరోనా రిజిస్టర్డ్ టీకా తొలి బ్యాచ్ వ్యాక్సిన్ ఉత్పత్తిని రష్యా ఇప్పటికే ప్రారంభించింది. గమలేయ రిసెర్చ్ ఇన్స్టిట్యూట్తో కలిసి రష్యా రక్షణ సంస్థ అభివృద్ధి చేసిన ఈ వ్యాక్సిన్2ను మార్కెటింగ్ చేయడంతోపాటు, ఎగుమతి చేసే అధికారాలు ఆర్డీఐఎఫ్కు ఉంది. ఈ నేపథ్యంలో భారత కంపెనీలు జరుపుతున్న చర్చలు ఫలప్రదమైతే ఈ వ్యాక్సిన్ను భారత్లో ఉత్పత్తి చేసేందుకు అవకాశం ఏర్పడుతుందని రష్యాలోని భారత రాయబార కార్యాలయ వర్గాలు తెలిపాయి. అంతేకాదు, రష్యన్ డైరెక్టర్ ఇన్వెస్టెంట్మెంట్ ఫండ్ చీఫ్తో కిరిల్లీ దిమిత్రోవ్తో వ్యాక్సిన్ ఉత్పత్తిలో ద్వైపాక్షిక సహాకారంపై రష్యాలో భారత్ రాయబారి వెంకటేశ్ వర్మ చర్చించారని తెలిపింది. వ్యాక్సిన్ కోసం కోటి ఆశలతో ఎదురుచూస్తున్న వేళ రష్యా తొలి వ్యాక్సిన్ను ఆగస్టు 12న ప్రకటించి, దీనికి స్పుత్నిక్-వి అనే పేరు సూచించింది. తన కుమార్తె సహా పలువురు టీకా వేయించుకున్నట్టు రష్యా అధ్యక్షుడు వ్లాదిమిర్ పుతిన్ వెల్లడించారు. మరోవైపు, వ్యాక్సిన్ సామర్థ్యంపై నిపుణులు ఆందోళన వ్యక్తం చేస్తున్నారు. ఇది ముందు సురిక్షితమైనదా, ప్రపంచస్థాయి ప్రమాణాలను కలిగిఉందా అనేది పరిశీలించాలని అంటున్నారు. వ్యాక్సిన్ పరీక్షల శాంపిల్ పరిమాణం, దీని సామర్ధం వంటి ప్రాతిపదికన భద్రతను పసిగట్టవచ్చని తెలిపారు. మొదట వ్యాక్సిన్ సురక్షితమైనదా కాదా అనేది వెల్లడికావాల్సి ఉందని, పెద్ద ఎత్తున వ్యాక్సిన్ ఉత్పత్తి చేపట్టే ముందు ఇది ప్రాథమిక అంశమని వ్యాఖ్యానిస్తున్నారు.
By August 16, 2020 at 08:41AM
No comments