డబ్బున్న అమ్మాయిలే అతడి టార్గెట్.. పెళ్లి పేరుతో అంతా దోచుకుని మాయం

ప్రేమ పేరుతో ధవవంతుల అమ్మాయిలను వలలో వేసుకుని వారి నుంచి డబ్బు, బంగారం దోచుకుంటున్న కేటుగాడి ఆట కట్టించారు బెంగళూరులోని బొమ్మనహళ్లి పోలీసులు. ‘నిన్ను ప్రేమిస్తున్నా. నువ్వు లేకుండా బ్రతకలేను. నిన్ను పువ్వుల్లో పెట్టుకుని చూసుకుంటా’ అంటూ అమాయక అమ్మాయిలను లోబరుచుకుంటున్న యువకుడు వారి నుంచి అందినంత దోచుకుని తర్వాత పరారవుతున్నట్లు పోలీసులు చెబుతున్నారు. ఉత్తరహళ్లికి చెందిన సుహాస్‌ ఓ ప్రైవేటు సంస్థలో పనిచేస్తున్నాడు. జల్సాలకు అలవాటు పడిన అతడు డబ్బు కోసం ధనవంతుల అమ్మాయిలను వలలో వేసుకోవడం పనిగా పెట్టుకున్నాడు. Also Read: తాను విదేశాల్లో ఉన్నత స్థితిలో ఉన్నట్లు నమ్మిస్తూ ఖరీదైన కార్ల ముందు తీసుకున్న ఫోటోలను సోషల్‌మీడియాలో పోస్ట్ చేసేవాడు. ఫేస్‌బుక్‌లో అందమైన అమ్మాయిలను గుర్తించి వారితో స్నేహం పెంచుకునేవాడు. తాను అమెరికా, కెనడా తదితర దేశాలకు వాహనాల విడిభాగాలను ఎగుమతి చేసే వ్యాపారంలో ఉన్నానని నమ్మించేవాడు. వాట్సాప్‌లో మంచి సందేశాలు పంపిస్తూ వారి నమ్మకాన్ని పొందేవాడు. ఆ తర్వాత పెళ్లి చేసుకుందామంటూ వారికి మాయమాటలు చెప్పి అందినంత డబ్బు గుంజేవాడు. Also Read: ఇలాగే ఓ యువతి నుంచి ఏకంగా రూ.12 లక్షలు ట్రాన్స్‌ఫర్ చేయించుకుని కారు కొన్నాడు. మరో ఇద్దరు యువతుల నుంచి కూడా రూ.1.2 లక్షలు, రూ.1.4 లక్షలు బదిలీ చేయించుకుని మొహం చాటేశాడు. వివాహం చేసుకుందామని చెప్పి డబ్బులు తీసుకున్న వ్యక్తి నుంచి తర్వాత ఎలాంటి సమాచారం లేకపోవడంతో అనుమానం వచ్చిన బాధితులు పోలీసులను ఆశ్రయించడంతో అతడి మోసాలు వెలుగుచూశాయి. దీంతో పోలీసులు సుహాన్‌పై కేసు నమోదు చేసి అరెస్ట్ చేశారు. అతడి వలలో పడి ఇంకా ఎంత మంది అమ్మాయిలు మోసపోయారన్న దానిపై పోలీసులు దర్యాప్తు చేస్తున్నారు. Also Read:

By August 19, 2020 at 10:37AM

Read More https://telugu.samayam.com/latest-news/crime/young-man-arrested-in-bengaluru-for-traping-rich-women-for-pretext-on-marriage/articleshow/77627215.cms