రేప్ చేస్తామని బెదిరిస్తున్నాడు.. గుట్టు విప్పిన కుష్బూ.. సీఎంకు ఫిర్యాదు చేస్తూ ఫైర్!
వేగంగా విస్తరిస్తున్న టెక్నాలజీ సైబర్ నేరాలను అంతకంతకూ పెంచుతోంది. కొందరు సైబర్ కేటుగాళ్లు ఆన్ లైన్ మోసాలకు పాల్పడుతుండగా, ఇంకొందరు ఫేమస్ సెలబ్రిటీలను టార్గెట్ చేస్తూ బెదిరింపులకు పాల్పడుతున్న సందర్భాలు చూస్తున్నాం. తాజాగా సీనియర్ నటి, కాంగ్రెస్‌ నేత కుష్బూకి ఇలాంటి బెదిరింపులే ఎదురయ్యాయి. దీంతో వెంటనే ఘాటుగా రియాక్ట్ అయిన .. పోలీసులకు సమాచారమిచ్చి, ఏకంగా సీఎంకు ఫిర్యాదు చేస్తూ ఫైర్ అయింది. తనను రేప్ చేస్తా అంటూ ఓ వ్యక్తి బెదిరిస్తున్నాడని పేర్కొంటూ అతని ఫోన్ నెంబర్, వివరాలు బహిర్గతం చేసి పబ్లిక్‌గా కౌంటర్ ఇచ్చింది కుష్బూ. ట్రూ కాలర్ ద్వారా వివరాలు సేకరించిన ఆమె.. సంజయ్‌శర్మ అనే పేరుతో ఈ కాల్ వచ్చిందని, అది కోల్‌కతా నుంచి వచ్చిందని తెలుపుతూ ట్వీట్ చేసింది. కోల్‌కతా పోలీసులు వెంటనే దీనిపై రియాక్ట్ అయి తగిన చర్యలు తీసుకోవాలని కోరింది. అంతటితో ఆగక, ఆ వ్యక్తి వివరాలను పశ్చిమ బెంగాల్ సీఎం మమతా బెనర్జీకి ట్యాగ్ చేస్తూ ఫిర్యాదు చేసింది కుష్బూ. దీదీ నాకే ఇలాంటి బెదిరింపులు ఎదురువుతున్నాయంటే.. ఇతర మహిళల పరిస్థితి ఏంటో ఆలోచించాలని సీఎంని కోరింది కుష్బూ. కాగా ఇలా బెదిరింపులకు పాల్పడిన ఆ వ్యక్తి నంబర్‌ను బహిర్గతం చేయడంపై ఓ నెటిజన్ అభ్యంతరం వ్యక్తం చేయగా, దానికి కూడా స్పందించిన కుష్బూ స్ట్రాంగ్ రియాక్షన్ ఇచ్చింది. ఇలాంటి వ్యక్తుల పరువు పబ్లిక్‌గానే తీయాలి, వాడికి కూడా కుటుంబం ఉంటుంది కదా.. అందుకే బహిరంగంగా బుద్దిచెప్పాలనే ఇలా చేస్తున్నా అంటూ ఫైర్ అయింది. Also Read: ఆ తర్వాత మరో ట్వీట్ చేస్తూ ప్రధాని ప్రధానమంత్రి నరేంద్రమోదీపై వ్యంగ్యాస్త్రాలు విసిరింది కుష్బూ. అయోధ్యలో రామ మందిరం భూమి పూజ సందర్భంగా.. బాల రాముడి చేయి పట్టుకుని మందిరం వైపు నడిపిస్తున్న ప్రధాని మోదీ చిత్రం ఒకటి సోషల్ మీడియాలో వైరల్ అయింది. దీనిని పోస్ట్ చేసిన కుష్బూ.. ''వావ్! ఇప్పుడు లార్డ్ రాముడి కంటే మోదీ పెద్దవాడయ్యారు. కలియుగం మరి'' అంటూ వెటకారంగా కామెంట్ చేసింది.
By August 06, 2020 at 10:21AM
No comments