డ్రాగన్ మొబైల్ దిగ్గజం యాపిల్ షాక్.. 29,800 చైనా యాప్‌లు తొలగింపు!

మొబైల్ దిగ్గజం ఆపిల్ సంస్థ.. చైనాకు భారీ ఝలక్ ఇచ్చింది. తన యాప్ స్టోర్ నుంచి ఏకంగా 29,800 చైనీస్ యాప్‌లను పూర్తిస్థాయిలో తొలగిస్తూ సంచలన నిర్ణయం తీసుకుంది. 26వేల గేమ్స్ సహా మొత్తం 29,800 యాప్‌లను యాపిల్ తొలగించినట్టు కిమై రిసెర్చ్ నివేదిక తెలిపింది. ఎటువంటి లైసెన్స్‌లు లేకుండా గేమింగ్ యాప్స్‌ను చైనా సంస్థలు నిర్వహించడంతో యాపిల్ ఇటువంటి నిర్ణయం తీసుకున్నట్టు తెలుస్తోంది. అయితే, దీనిపై తక్షణమే స్పందించడానికి నిరాకరించింది. ఈ ఏడాది ఆరంభంలోనే గేమింగ్ సంస్థలకు లైసెన్స్ విషయంలో యాపిల్ సంస్థ హెచ్చరించింది. జూన్ చివరి నాటికి ప్రభుత్వం నుంచి పొందిన లైసెన్స్‌లను సమర్పించాలని ఆదేశించింది. చైనా ఆండ్రాయిడ్ యాప్ స్టోర్స్ చాలాకాలంగా ఆ నిబంధనలను పాటించడంలేదు. ఈ ఏడాది యాపిల్ వాటిని ఎందుకు అమలు చేస్తోందో స్పష్టంగా తెలియదు. జులై తొలి వారంలోనే 2,500 యాప్‌లను యాపిల్ సంస్థ తొలగించింది. ఇందులో జైంగా, సూపర్‌సెల్ తదితర గేమింగ్ యాప్స్ ఉన్నాయి. సున్నితమైన కంటెంట్‌ను తొలగించడానికి గేమింగ్ పరిశ్రమపై కఠినమైన నిబంధనలను విధించాలని చాలాకాలంగా చైనా ప్రభుత్వం ప్రయత్నిస్తోంది. అయితే, గేమింగ్ యాప్ ఆమోద ప్రక్రియ చాలా సంక్లిష్టమైనదని పరిశ్రమ అంతర్గత వర్గాలు అంటున్నాయి. ‘ఇది చిన్న, మధ్య తరహా డెవలపర్‌ల ఆదాయాన్ని ఎక్కువగా ప్రభావితం చేస్తుంది. కానీ వ్యాపార లైసెన్స్‌ను పొందడంలో ఇబ్బందులు ఉన్నందున చైనాలోని మొత్తం ఐఓఎస్ గేమ్ పరిశ్రమ దెబ్బతింటుంది’ అని అప్పీన్ చైనా సంస్థ మార్కెటింగ్ మేనేజర్ టాడ్ కుహ్న్ అన్నారు. ఇది విదేశీ కంపెనీలకు పంపిణీ చేయడానికి సహాయపడుతుందని పేర్కొన్నారు.

By August 02, 2020 at 12:33PM

Read More https://telugu.samayam.com/latest-news/international-news/mobile-giant-apple-removes-29800-apps-from-china-store-report/articleshow/77312725.cms