గాలి ద్వారా కరోనా వ్యాప్తి.. డబ్ల్యూహెచ్ఓకి 239 మంది శాస్త్రవేత్తల బృందం లేఖ
![](https://blogger.googleusercontent.com/img/b/R29vZ2xl/AVvXsEhr2RcoK5Nf9NTRnPrStQ3-ZEfWwNyAVOOY6PB6ANhCKZnZochRr_RqPaaDi69eUIGsDRKvoByMaFr3cDoUjes5s8YnYK1JmNBBqqCvhrWe7EYyAph699mJoYmlAtAa9N1iUdMDhRpkjdA/s1600/telugu+news.png)
![](https://telugu.samayam.com/photo/76805405/photo-76805405.jpg)
తుమ్మినప్పుడు లేదా దగ్గినప్పుడు ముక్కు లేదా నోటి నుంచి వెలువడే తుంపర్లు ఇతరుల మీద పడితే కరోనా వైరస్ వ్యాప్తి చెందుతుందని, అందుకే మోచేతిని అడ్డం పెట్టుకొని తుమ్మాలని, అదేవిధంగా చేతుల్ని తరచుగా శుభ్రం చేసుకోవాలని ప్రపంచ ఆరోగ్య సంస్థ, నిపుణులు సూచించిన విషయం తెలిసిందే. అయితే, వైరస్ గాలిద్వారా కూడా సంక్రమిస్తుందని, దీనికి ఆధారాలున్నాయని పేర్కొంటూ డబ్ల్యూహెచ్ఓకి వందలాది మంది శాస్త్రవేత్తల బృందం బహిరంగ లేఖ రాశారు. గాలి ద్వారా వైరస్ వ్యాప్తి చెందుతున్నందున సూచనలు, సిఫార్సులను సవరించాలని కోరుతూ శాస్త్రవేత్తలు లేఖ రాశారని న్యూయార్క్ టైమ్స్ ఓ కథనం ప్రచురించింది. ప్రపంచ ఆరోగ్య సంస్థకు బహిరంగ లేఖ రాసిన శాస్త్రవేత్తల బృందం.. వచ్చే వారం సైంటిఫిక్ జర్నల్లో దీనిని ప్రచురించాలని భావిస్తున్నారు. మొత్తం 32 దేశాలకు చెందిన 239 మంది శాస్త్రవేత్తలు కణాలు గాలి ద్వారా సంక్రమిస్తాయనే ఆధారాలను వివరించారు. అయితే, దీనిపై ఇంకా ఎలాంటి ప్రకటన చేయలేదని రాయిటర్స్ పేర్కొంది. ‘కరోనా బాధితుడు తుమ్మినా లేదా దగ్గిన తర్వాత వెలువడే కణాలు గాలి ద్వారా వ్యాప్తి చెంది, వైరస్కు కారణమవుతున్నట్టు తమ పరిశోధనలో తేలిందని శాస్త్రవేత్తలు తమ లేఖలో పేర్కొన్నారని న్యూయార్క్ టైమ్స్ వెల్లడించింది. అయితే, ప్రపంచ ఆరోగ్య సంస్థ మాత్రం కరోనా వైరస్ గాలి ద్వారా వ్యాప్తి చెందుతుందనడానికి ఎలాంటి ఆధారాలు లేవంటోంది. ముఖ్యంగా గాలి ద్వారా వైరస్ సంక్రమిస్తుందనే విషయమై గత రెండు నెలలుగా అనేకసార్లు పరిగణించాం, కానీ దీనికి ఖచ్చితంగా లేదా స్పష్టమైన ఆధారాలు దొరకలేదని డబ్ల్యూహెచ్ఓ టెక్నికల్ విభాగం అధిపతి డాక్టర్ బెనీడెట్టా అలెగ్రాంజీ అన్నారు. ఇప్పటికే కరోనా వ్యాప్తికి సంబంధించి ప్రజల్లో అనేక సందేహాలు ఉన్నాయి. కరోనా గాలి ద్వారా ఒకరి నుంచి మరొకరికి వ్యాపిస్తుందా లేదా అనేది వాటిలో ప్రధానమైన సందేహం. గాలి ద్వారా కరోనా వ్యాపించదని అనేకమంది నిపుణులు చెబుతున్నప్పటికీ, మెడ్ ఆర్ఎక్స్ఐవీ అనే సంస్థ వెల్లడించిన పరిశోధనలో ఇది సాధ్యమే అని తేలింది. ఇది అత్యంత అరుదుగా మాత్రమే జరిగే అవకాశం ఉందని పేర్కొంది.
By July 06, 2020 at 07:47AM
No comments