డైరెక్టర్ సుజీత్ ప్రవళిక నిశ్చితార్థం.. ఫోటోలు వైరల్
డార్లింగ్ ప్రభాస్ సినిమా ‘సాహో’ దర్శకుడు సుజీత్ త్వరలో ఓ ఇంటివాడు కాబోతున్నాడు. అనుకున్న ప్రకారం ఆయన ఈనెల 10న నిశ్చితార్థం జరుపుకున్నారు. ప్రవళిక అనే యువతితో పూర్తయ్యింది. లాక్ డౌన్ కారణంగా ఎంగేజ్ మెంట్ చాలా సింపుల్గానే జరిగింది. ఈ వేడుకకు ఇరు కుటుంబాల సభ్యులతో పాటు అత్యంత సన్నిహితులు మాత్రమే హాజరయిన్లు తెలుస్తోంది. ప్రస్తుతం సుజీత్ నిశ్చితార్థానికి సంబంధించిన ఫోటోలు సోషల్ మీడియాలో వైరల్ అవుతున్నాయి. టాలీవుడ్లో ఇటీవలే నిర్మాత దిల్ రాజు, హీరో నిఖిల్, కమెడియన్ మహేష్ వరుసగా ఒక్కొక్కరు పెళ్లి పీటలు ఎక్కిన విషయం తెలిసిందే. ఇదే జాబితాలో సుజిత్ కూడా త్వరలో చేరనున్నారు. ప్రవళిక అనే డెంటిస్ట్తో గతకొంతకాలంగా ప్రేమలో ఉన్న ఈ యంగ్ డైరెక్టర్ పెద్దల అంగీకారంతో త్వరలోనే ఆమె మెడలో మూడు ముళ్లు వేయనున్నట్లు తెలుస్తోంది. ఈ క్రమంలోనే జూన్ 10న హైదరాబాద్లో సుజీత్-ప్రవళికల నిశ్చితార్థం పూర్తి చేశారు ఇరు కుటుంబాల పెద్దలు. ఇక రన్ రాజా రన్తో దర్శకుడిగా టాలీవుడ్కు పరిచయమైన సుజీత్ తొలి చిత్రంతోనే మంచి గుర్తింపు తెచ్చుకున్నాడు. ఆ తర్వాత యంగ్ రెబల్ స్టార్ ప్రభాస్తో హాలీవుడ్ రేంజ్లో తీసిన ‘సాహో’ చ్రితంతో ఫుల్ ఫేమ్తో పాటు క్రేజ్ సాధించాడు. దీంతో తన మూడో చిత్రం మెగాస్టార్తో తీసే అవకాశాన్ని దక్కించుకున్నాడు. ‘లూసిఫర్’ రీమేక్ను తెలుగులో ఈ యువ దర్శకుడే డైరెక్ట్ చేస్తున్న విషయం తెలిసిందే.
By June 11, 2020 at 11:53AM
No comments