ఒంగోలులో ప్రేమోన్మాది.. ఇంట్లోకి దూరి యువతిపై కత్తితో దాడి
ఒంగోలులో ప్రేమోన్మాది హల్‌చల్ చేశాడు. తనను ప్రేమించడం లేదన్న అక్కసుతో ఓ యువతి ఇంట్లోకి ప్రవేశించి ఆమెపై కత్తితో దాడికి యత్నించాడు. స్థానికులు అప్రమత్తమై అతడిని అడ్డుకోవడంతో యువతి ప్రాణాపాయం నుంచి బయటపడింది. ఒంగోలులోని మంగమూరు రోడ్డులో రిషిత అనే యువతి కుటుంబంతో కలిసి నివసిస్తోంది. ఆమెను కాలేజీ రోజుల నుంచి నవీన్‌కుమార్ అనే యువకుడు ప్రేమ పేరుతో వేధించేవాడు. ఆమె తిరస్కరించడంతో కక్షగట్టి ఆమెపై తరుచూ వేధింపులకు పాల్పడేవాడు. Also Read: దీనిపై యువతి అనేకసార్లు ఫిర్యాదు చేయడంతో పోలీసులు అతడిని అరెస్ట్ చేసి జైలుకు పంపారు. అయినప్పటికీ అతడి బుద్ధి మారలేదు. హైదరాబాద్‌లో ఉద్యోగం చేస్తున్న ఆమె లాక్‌డౌన్ కారణంగా ఇంటికి వచ్చేసి వర్క్ ఫ్రమ్ హోమ్ చేస్తోంది. ఈ విషయం తెలుసుకున్న నవీన్‌కుమార్ సోమవారం ఆమె ఇంటికి వెళ్లి కత్తితో బెదిరించాడు. తన ప్రేమను తిరస్కరించకపోతే చంపేస్తానని యువతితో పాటు ఆమె తల్లిని బెదిరించాడు. వారు ఎదురుతిరగడంతో రిషితపై దాడి చేసి పరారయ్యాడు. బాధితురాలి ఫిర్యాదు మేరకు పోలీసులు మంగళవారం కేసు నమోదు చేసి దర్యాప్తు చేపట్టారు. Also Read:
By June 03, 2020 at 09:17AM
No comments