రామ్ చరణ్- ఉపాసన పెళ్లి బంధానికి ఎనిమిదేళ్లు.. ఇకనైనా గుడ్ న్యూస్ చెబుతారా? వెయిటింగ్ ఇక్కడ!
నేడు (జూన్ 14) . సరిగ్గా ఎనిమిదేళ్ల క్రితం (2012) ఈ రోజే తన ప్రేయసి మెడలో మూడు ముళ్ళేసి ఓ ఇంటివాడయ్యాడు మెగా పవర్ స్టార్ రామ్ చరణ్. పెళ్లి తర్వాత ఈ జోడీ సక్సెస్‌ఫుల్ జర్నీ కొనసాగిస్తూ నిత్యం వార్తల్లో నిలుస్తోంది. ఓ వైపు తన సినిమా ప్రాజెక్టులతో బిజీగా ఉంటే.. మెగా కోడలిగా అపోలో హాస్పిటల్ మేనేజ్‌మెంట్ బాధ్యతలు మోస్తూ, సమాజహిత కార్యక్రమాలు నిర్వహిస్తూ సత్తా చాటుతోంది ఉపాసన. సోషల్ అవేర్‌నెస్ కార్యక్రమాలు చేస్తూనే మహిళా హక్కులపై పోరాడుతూ నిత్యం సోషల్ మీడియా ద్వారా టచ్‌లో ఉంటోంది ఉపాసన. నేటి సమాజంలో మహిళల ప్రాధాన్యత, హక్కులు తదితర అంశాలపై స్పందించడమే గాక, రామ్ చరణ్ సినిమా సంగతులు, మెగా ఫ్యామిలీకి సంబంధించిన ఆసక్తికర విషయాలను ట్విట్టర్ వేదికగా షేర్ చేస్తుంటుంది మెగా కోడలు. మరోవైపు రామ్ చరణ్ హీరోగా, నిర్మాతగా రాణిస్తూ తన సినిమాలతో బిజీ బిజీగా గడుపుతున్నారు. కాగా ఇటీవలే తన వివాహబంధం గురించి స్పందించిన ఉపాసన.. పెళ్లి తర్వాత పరిస్థితులు ఒక్కసారిగా మారిపోయాయని చెప్పింది. మెట్టినింటిలో అడుగుపెట్టాక జీవితంలో సర్దుబాటు అంటే ఏమిటో తెలిసిందని, తనకు నచ్చిన సెలబ్రిటీని వివాహం చేసుకోవడం అదృష్టమని తెలిపింది. ఆన్ స్క్రీన్ రామ్ చరణ్‌కి ఇంట్లో ఉండే రామ్ చరణ్‌కి చాలా తేడా ఉంటుందని ఆమె పేర్కొంది. ఇకపోతే పలు సినిమా ఫంక్షన్స్, తారల ఇంట జరిగే వేడుకల్లో రామ్ చరణ్- ఉపాసన జోడీ స్పెషల్ అట్రాక్షన్‌గా నిలుస్తుండటం కామన్ జరిగే విషయమే. Also Read: సక్సెస్‌ఫుల్‌గా సాగిపోతున్న వీరి వివాహ బంధాన్ని చూసి మెగా అభిమానులంతా ఖుషీ అవుతున్నారు. కానీ అందరిలోనూ ఒక్కటే వెలితి. ఈ జోడీ గుడ్ న్యూస్ ఎప్పుడు చెబుతుందా? అని అంతా వెయిటింగ్ కూడా. ఇటీవలే ఈ విషయమై రామ్ చరణ్ తండ్రి మెగాస్టార్ చిరంజీవి సైతం స్పందించడం గమనార్హం. నిజమైన వారసుడు-వారసురాలిని ఎత్తుకోవాలని తనకు ఆశగా ఉందని మనసులో కోరికను బయటపెట్టారు చిరు. సో.. చూడాలి మరి చెర్రీ దమతులు ఇకనైనా గుడ్ న్యూస్ చెబుతారో.. లేదో!. ఈ సందర్భంగా రామ్ చరణ్- ఉపాసన దంపతులకు సమయం తెలుగు తరఫున పెళ్లి రోజు శుభాకాంక్షలు తెలుపుతున్నాం.
By June 14, 2020 at 11:22AM
No comments