మాయ‘లేడీ’ లీలలు ఎన్నో.. పెళ్లి పేరుతో ముగ్గురికి రూ.5కోట్లు టోకరా

పెళ్లి పేరుతో అమాయక యువకులు, ఎన్నారైలను మోసం చేస్తున్న మహిళ మాళవిక లీలలు మరెన్నో బయటపడుతున్నాయి. మ్యాట్రిమోనీ వెబ్‌సైట్లలో అందమైన అమ్మాయిల ఫోటోలతో ఫేక్ ఫ్రొఫైల్స్ క్రియేట్ చేసి, తాను హైదరాబాద్‌లో ప్రముఖ డాక్టర్‌నంటూ మాళవిక పరిచయం చేసుకుంటుంది. వాటికి స్పందించిన యువకులతో కొద్దిరోజులు చాటింగ్‌ చేస్తూ ఆ తర్వాత కొత్త నాటకానికి తెరదీస్తుంది. కుటుంబంలో ఆస్తి తగాదాలు నడుసున్నాయంటూ కోర్టు ఖర్చుల కోసమంటూ రూ.లక్షల్లో కొల్లగొట్టేస్తుంది. తర్వాత ఆ యువకులకు దొరక్కుండా తప్పించుకుని తిరుగుతుంటుంది. తాజాగా వెలుగులోకి వచ్చిన ఈ మాయలాడి ముగ్గురు అమాయకుల నుంచి ఏకంగా రూ.5కోట్ల వరకు దోచుకున్నట్లు పోలీసులు గుర్తించారు. Also Read: పెళ్లి పేరిట తన నుంచి రూ.కోటికి పైగా వసూలు చేసిందంటూ ఓ ఎన్‌ఆర్‌ఐ జూబ్లీహిల్స్‌ పోలీసులకు ఫిర్యాదు చేశాడు. దీంతో కేసు నమోదు చేసుకున్న పోలీసులు ఐపీ అడ్రస్‌ ఆధారంగా మే 27న మాళవికను అరెస్ట్‌ చేసి రిమాండ్‌కు తరలించారు. రూ.65 లక్షలు మోసపోయానంటూ మరో బాధితుడు కేపీహెచ్‌బీ పోలీసులను ఆశ్రయించాడు. ఫోన్‌ నంబర్‌, బ్యాంక్‌ ఖాతా వివరాలతో ఇద్దరినీ మోసం చేసింది ఆమేనని తేలింది. దీంతో నిందితురాలి నుంచి పూర్తి వివరాలను రాబట్టేందుకు పోలీసులు మంగళవారం కస్టడీలోకి తీసుకున్నారు. హబ్సిగూడకు చెందిన మరో వ్యక్తిని కూడా ఇదే తరహాలో బురిడీ కొట్టించి రూ.3.5 కోట్లు టోపీ పెట్టినట్లు గుర్తించారు. Also Read: దీంతో మాళవికతో పాటు కుటుంబసభ్యులకు సంబంధించిన మూడు బ్యాంకు అకౌంట్లు పరిశీలించగా రూ.500, రూ.1300, రూ. 2,500 మాత్రమే ఉండటంతో పోలీసులు అవాక్కయ్యారు. బాధితుల్లో ఏ ఒక్కరూ ఆమెను వ్యక్తిగతంగా కలవలేదు. మ్యాట్రిమోనీ వెబ్‌సైట్లలో అందమైన అమ్మాయిల ఫొటోలను ఉంచి వారికి వల వేసింది. ఆమెకు కొడుకు, భర్త, ఇతర కుటుంబ సభ్యులు సహకరించినట్లు పోలీసులు గుర్తించారు. బాధితుల నుంచి కాజేసిన సొమ్ముతో ఆ కుటుంబం సొంతంగా గోశాల నిర్వహిస్తున్నట్లు పోలీసులకు చెప్పడంతో అవాక్కయ్యారు. Also Read:

By June 04, 2020 at 10:59AM

Read More https://telugu.samayam.com/latest-news/crime/hyderabad-police-deep-enquiry-on-malavka-cheating-cases/articleshow/76189462.cms