Breaking News

రామ్ ‘రెడ్’ నుంచి సాంగ్ మేకింగ్ వీడియో... ఆకట్టుకుంటున్న లోకేషన్స్


ఇస్మార్ట్ శంకర్ సూపర్ హిట్ సినిమా తర్వాత హీరో రామ్ పోతినేని నటిస్తున్న చిత్రం రెడ్‌. రామ్ చేస్తున్న ఈ సినిమాపై భారీ అంచనాలు ఉన్నాయి. ఇప్పటికే దీనికి సంబంధించిన ఫస్ట్ లుక్ కూడా విడుదలైంది. నివేదా పేతురాజ్,మాళవికా శర్మ, అమృతా అయ్యర్‌ ఇందులో హీరోయిన్లుగా నటిస్తున్నారు. ఈ సినిమాకు సంబంధించిన అప్ డేట్స్ అప్పుడప్పుడు రామ్ తన సోష‌ల్ మీడియాలో షేర్ చేస్తున్నారు. డిజిటల్‌లో ఈ సినిమా రిలీజ్ అవుతుందన్న వార్తలపై రామ్ స్పందించి... థియేటర్లలోనే రెడ్ సినిమా చూడొచ్చని క్లారిటీ కూడా ఇచ్చాడు. అయితే తాజాగా ఈ సినిమా నుంచి ఓ సాంగ్ మేకింగ్ వీడియోను విడుదల చేసింది చిత్ర యూనిట్. నువ్వే నువ్వే అంటూ సాగుతున్న ఈ సాంగ్ మేకింగ్ వీడియోను విడుదల చేశారు. మూవీ టీమ్ ఫ్లైట్ దిగిన కానుంచి... అందమైన లొకేషన్‌ని ఎంజాయ్ చేస్తూ చిత్ర బృందం షూటింగ్ చేయడాన్ని వీడియోలో మనం చూడొచ్చు. ఈ మేకింగ్ వీడియో ఫ్యాన్స్‌ని ఎంతగానో ఆకట్టుకుంటుంది. టుస్కాన్‌, ఫ్లారెన్స్, డోలమైట్సలో హీరో రామ్‌, హీరోయిన్ మాళవికా శర్మ మీద పాటలు చిత్రీకరించారు. , 'నువ్వే నువ్వే' సాంగ్‌లో లేక్‌గార్డ్‌ అందాలు మనకు గొప్ప అనుభూతిని కలిగిస్తున్నాయి. అందమైన లొకేషన్స్‌ను అటు హీరో రామ్ కూడా చూస్తు ఎంజాయ్ చేస్తున్న దృశ్యాలు ఈవీడియోలో మనకు కనిపిస్తున్నాయి. స్రవంతి రవికిషోర్ నిర్మిస్తున్న ‘రెడ్’ చిత్రానికి కిషోర్ తిరుమల దర్శకత్వం వహిస్తున్నారు. మణిశర్మ సంగీతం అందించారు. ఏప్రిల్‌లో రిలీజ్ కావలసిన ఈ చిత్రం లాక్‌డౌన్ వలన వాయిదా పడింది. వీలైనంత త్వరలోనే సినిమాని థియేటర్స్‌లోకి తెచ్చే ప్రయత్నం చేస్తున్నారు.


By May 10, 2020 at 09:21AM


Read More https://telugu.samayam.com/telugu-movies/cinema-news/nuvve-nuvve-making-video-from-ram-pothineni-red-movie/articleshow/75654151.cms

No comments