Breaking News

అనితరసాధ్యం ఈ ట్రాక్ రికార్డ్.. సూపర్ స్టార్‌ కృష్ణకి మెగాస్టార్ చిరంజీవి స్పెషల్ విషెస్


తెలుగు సినిమా చరిత్రలో అలుపెరగని సినీ ప్రయాణాన్ని కొనసాగిస్తున్న సూపర్ స్టార్ ఈ రోజు (మే 31) తన 77వ పుట్టినరోజును జరుపుకుంటున్నారు. ఈ సందర్భంగా ఆయనకు సోషల్ మీడియా వేదికలపై పుట్టినరోజు శుభాకాంక్షలు వెల్లువెత్తుతున్నాయి. టాలీవుడ్ చిత్ర పరిశ్రమలోని పెద్దలు, దర్శకులు, నిర్మాతలు, హీరోలు, నటీనటులు సహా అభిమానులు అందరూ పెద్ద ఎత్తున బర్త్ డే విషెస్ పోస్ట్ చేస్తున్నారు. అంతేకాదు 'హ్యాపీ బర్త్ డే కృష్ణ గారు' అనే హ్యాష్ ట్యాగ్ ట్విట్టర్‌లో ట్రెండ్ అవుతుండటం విశేషం. కాగా సందర్భంగా ఆయనకు స్పెషల్ విషెస్ చెబుతూ విలువైన సందేశాన్ని పోస్ట్ చేశారు మెగాస్టార్ . ''కథానాయకుడిగా 345 సినిమాలు దర్శకుడిగా 14 చిత్రాలు. నిర్మాతగా తెలుగుతో పాటు భారతీయ భాషల్లో 50 చిత్రాలు. మొదటి సినిమాస్కోప్ సినిమా ఆయనదే. మొదటి 70mm చిత్రం కూడా ఆయనదే. అనితరసాధ్యం ఈ ట్రాక్ రికార్డ్. సాహసానికి మారుపేరు, పద్మభూషణ్ అవార్డు గ్రహీత, సూపర్ స్టార్ కృష్ణ గారికి జన్మదినశుభాకాంక్షలు'' అని పేర్కొంటూ ఆయనతో దిగిన ఓ అపురూమైన పిక్ పంచుకున్నారు చిరంజీవి. చిరంజీవి పోస్ట్ చేసిన ఈ ట్వీట్ చూసి మెగా అభిమాన వర్గాలు పెద్ద ఎత్తున స్పందిస్తున్నాయి. అదే సోషల్ మీడియా వేదికగా కృష్ణకు పుట్టిన రోజు శుభాకాంక్షలు చెబుతూ ఆన్ లైన్ వేదికలను హోరెత్తిస్తున్నారు మెగా ఫ్యాన్స్. కృష్ణ అంటే ఓ కెరటం అని, ఆ లెజెండరీ హీరో గురించి ఎంత చెప్పుకున్నా తక్కువే అని కామెంట్ చేస్తూ బర్త్ డే విషెస్ పోస్ట్ చేస్తున్నారు.


By May 31, 2020 at 09:26AM


Read More https://telugu.samayam.com/telugu-movies/cinema-news/chiranjeevi-special-wishes-to-super-star-krishna/articleshow/76115739.cms

No comments