అప్పుడే చెబితే మజా ఏముంటుంది.. త్వరలోనే అంతా చెబుతా: విజయ్ దేవరకొండ
టాలీవుడ్ తెరపై సత్తాచాటుతున్న హీరోల్లో అతితక్కువ సమయంలో ఎక్కువ క్రేజ్ కొట్టేసిన హీరో విజయ్ దేవరకొండనే అని చెప్పుకోవచ్చు. వరుస హిట్స్ ఖాతాలో పడటంతో పాటు నటనలో, డైలాగుల్లో ఉన్న విలక్షణత ఆయనకు బాగా కలిసొచ్చిన అంశాలు. దీంతో క్లాస్, మాస్ ఆడియన్స్ అంతా మాయలో పడిపోయారు. ముఖ్యంగా యూత్ ఆడియన్స్ విజయ్ సినిమాల కోసం ఆతృతగా ఎదురు చూస్తున్నారు. ఈ నేపథ్యంలోనే సినిమాల ఎంపికలో పలు జాగ్రత్తలు తీసుకుంటూ వస్తున్న విజయ్.. మరో డిఫరెంట్ మూవీకి సన్నాహాలు చేస్తున్నారట. ఇటీవలే ‘వరల్డ్ ఫేమస్ లవర్’గా అలరించిన విజయ్ దేవరకొండ ప్రస్తుతం డాషింగ్ డైరెక్టర్ పూరి జగన్నాథ్ దర్శకత్వంలో ఫైటర్ మూవీ చేస్తున్నారు. ముంబై నేపథ్యంలోని ఆసక్తికర కథాంశంతో రూపొందుతున్న ఈ సినిమా కొంతమేర షూటింగ్ పూర్తిచేసుకుంది. లాక్‌డౌన్ కారణంగా తదుపరి షెడ్యూల్స్ వాయిదా పడ్డాయి. ఈ చిత్రంలో విజయ్ సరసన బాలీవుడ్ భామ అనన్యపాండే హీరోయిన్‌గా నటిస్తోంది. తెలుగుతో పాటు ఇతర భాషల్లోనూ ఈ సినిమాను విడుదల చేయనున్నారు. అయితే ఇది పూర్తయిన వెంటనే విజయ్ దేవరకొండ- కాంబోలో మరో సినిమా సెట్స్ పైకి రానుంది. ఇకపోతే ఈ రెండు సినిమాలు పూర్తయ్యాక మరో సినిమాను యువ దర్శకుడితో ప్లాన్ చేశారట విజయ్ దేవరకొండ. ఈ విషయాన్ని ఆయనే రివీల్ చేశారు. దర్శకుడు చెప్పగానే కథ కొత్తగా అనిపించిందని, కథనం చాలా ఇంట్రెస్టింగ్‌గా ఉండటంతో వెంటనే గ్రీన్ సిగ్నల్ ఇచ్చానని ఆయన తెలిపారు. అయితే ఈ ప్రాజెక్టు గురించి అప్పుడే అంతా చెప్పేస్తే మజా ఏముంటుందని, త్వరలోనే అన్ని వివరాలు చెబుతానని తనదైన స్టైల్‌లో చెప్పి ఆసక్తి రేకెత్తించారు విజయ్ దేవరకొండ. ఇకపోతే కరోనా క్రైసిస్‌లో మిడిల్ క్లాస్ కుటుంబాలకు తన వంతు సహకారం అందించాలనే కోణంలో ఆలోచించి ప్రత్యేకంగా వారికోసం ఫండ్ ఏర్పాటు చేశారు విజయ్ దేవరకొండ. 7000 కుటుంబాలకు సాయం చేయడం లక్ష్యంగా ముందుకు సాగుతున్నారు. ఆయన చేసిన ఈ ఆలోచనను, చేస్తున్న పనులను పలువురు అభినందిస్తున్నారు. Also Read:
By May 05, 2020 at 08:59AM
No comments