లాక్‌డౌన్ తర్వాత భారత్ నుంచి లక్ష మంది విదేశీయుల తరలింపు

గడచిన రెండున్నర నెలల్లో దాదాపు లక్ష మంది విదేశీయులు భారత్ నుంచి వారి వారి స్వస్థలాలకు తరలివెళ్లారు. మార్చి 6 నుంచి 388కిపైగా ప్రత్యేక విమానాలు ఒక్కో విమానంలో సగటున 250 మంది విదేశీ ప్రయాణికులు వారి దేశాలకు చేరుకున్నట్టు పౌర విమానయాన శాఖ వెల్లడించింది. లుఫ్తాన్సా గ్రూప్; సింగ్‌పూర్ ఎయిర్‌లైన్స్, ఖతార్ ఎయిర్‌వేస్, బ్రిటిష్ ఎయిర్‌వేస్, కేఎల్ఎం, ఎయిర్ కెనడా, జపాన్ ఎయిర్‌లైన్స్, ఉక్రెయిన్ ఎయిర్, ఏరోఫ్లోట్ అండ్ యునైటెడ్ సహ పలు సంస్థలు విమానాలు నడిపాయని తెలిపింది. భారత్‌లో చిక్కుకున్న తమ పౌరుల కోసం పలు దేశాలు ప్రత్యేక విమానాలు నడపటం అంత సులభం కాదన్నారు. కొంత మంది రష్యా పర్యాటకులు మనాలీ నుంచి రిషికేష్, గోవాకు వచ్చి చిక్కుకుపోగా.. వారిని తరలించడానికి రష్యా ప్రభుత్వం ముందుకొచ్చింది. ప్రత్యేక విమానాల్లో తమ పౌరులను తరలించడానికి పలు దేశాలు భారత్ సహాయం కోరాయి. దీంతో ఆ దేశాల్లో చిక్కుకున్న భారతీయులను వారు పంపే విమానాల్లో స్వదేశానికి తీసుకొచ్చే ఏర్పాట్లు చేశారు. మార్చి 25 నుంచి మే 14 వరకు టెహ్రాన్, జ్యూరిచ్, బాలీ, అడిస్ అబాబా, పారో, లండన్, అట్లాంటా, అమెస్టర్‌డామ్, సింగ్‌పూర్, పారిస్, ఫ్రాంక్‌ఫర్ట్, కెన్యా, మారిషస్, మస్కట్, టోక్కో నుంచి 53 ప్రత్యేక విమానాల్లో మొత్తం 8,950 మంది ముంబై విమానాశ్రయ నుంచి ప్రయాణించినట్టు ఛత్రపతి శివాజీ మహరాజ్ ఇంటర్నేషనల్ ఎయిర్‌పోర్ట్ వర్గాలు తెలిపాయి. డెల్టా ఎయిర్‌లైన్స్ ద్వారా అట్లాంటా నుంచి అత్యధికంగా 2,000 మందిని తీసుకెళ్లాయని పేర్కొన్నాయి. గుజరాత్‌లో చిక్కుకున్న తమ పౌరుల కోసం బ్రిటన్ పెద్ద సంఖ్యలో అహ్మదాబాద్ నుంచి విమానాలు నడిపింది. మొత్తం 13 విమానాల్లో 1,500 మందిని తరలించారు. అలాగే అర్మేనియన్, బ్రిటిష్ ఎయిర్‌లైన్స్, స్విస్ ఎయిర్, శ్రీలంక ఎయిర్‌లైన్స్, బిమన్ బంగ్లాదేశ్, డ్రక్ ఎయిర్ ద్వారా కోల్‌కతా నుంచి 1,000 మంది వెళ్లారు. కేరళకు అత్యధికంగా ప్రత్యేక విమానాలు నడిచాయి. ఈ రాష్ట్రం నుంచి పెద్ద సంఖ్యలో విదేశీయులు తమ స్వస్థలాలకు తరలివెళ్లారు. గోవా విమానాశ్రయం నుంచి మార్చి 22 తర్వాత 6,000 మంది విదేశీ పర్యాటకులను తరలించారు.

By May 15, 2020 at 08:15AM

Read More https://telugu.samayam.com/latest-news/india-news/close-to-1-lakh-foreign-citizens-have-flown-out-of-india-since-march/articleshow/75749525.cms