కాలివేళ్లు రంగు మారడం, మచ్చలు కరోనాకు సంకేతం.. ముఖ్యంగా అలాంటి వారిలో!
ఆకలి మందగించడం, వికారం, జ్వరం, జలుబు, దగ్గు, తీవ్రమైన ఒళ్లు నొప్పులు లాంటి ప్రధాన లక్షణాలు సోకిన వ్యక్తుల్లో కనిపిస్తున్నాయి. మెజార్టీ కేసుల్లో ఇవే లక్షణాలు బయటపడతున్నాయి. అయితే, తాజాగా మరో విషయం వెలుగులోకి వచ్చింది. కరోనా లక్షణాలను యువకుల్లో గుర్తించడానికి వారి కాలి వేళ్లను పరిశీలించాలని ఐరోపా, అమెరికా వైద్యనిపుణులు చెబుతున్నారు. ఎందుకంటే... కరోనా సంక్రమించినవారికి పై లక్షణాలతోపాటు పాదాలు. బొటనవేళ్లకు వాపులు, కందిపోయినట్లు ఉబ్బిపోవడం, రంగు మారడం లాంటివి జరుగుతున్నాయి. ఆ తర్వాత ఒకటి రెండు రోజులకు కరోనా వైరస్ బారినపడుతున్నారు. వాపులు, రంగు మారినవారి కాళ్లను తాకగానే చాలా బాధతో విలవిలలాడిపోతారని పెన్సుల్వేనియా యూనివర్సిటీ స్కూల్ ఆఫ్ మెడిసిన్‌ అంటువ్యాధుల విభాగం హెడ్ డాక్టర్ ఎబ్బింగ్ లౌటున్‌బచ్ అన్నారు. కరోనా బాధితుల్లో చర్మానికి సంబంధించిన మార్పులు బయటపడినట్టు ఇటలీ వైద్యులు తెలిపారు. తమ వద్దకు వచ్చిన ఐదుగురు రోగులలో ఒకరికి చర్మ సమస్య ఉందని గుర్తించారు. కరోనా వైరస్ సోకినవారికి కాళ్లు సాధారణంగా ఎరుపు లేదా పాలిపోయిన రంగులా కనిపిస్తాయని తెలిపారు. వేళ్లపై కూడా ఇలాంటి లక్షణాలు కనిపిస్తాయని పెన్సుల్వేనియా వర్సిటీ హాస్పిటల్ డెర్మటాలజీ విభాగం అసోసియేట్ ప్రొఫెసర్ డాక్టర్ మిషా రోసేబచ్ అన్నారు. పాదాల రంగు మారడం వాతావరణం సంబంధం లేదని పేర్కొన్నారు. వాస్తవానికి శీతాకాలంలో ఇలాంటి లక్షణాలు బయటపడతాయి.. కానీ ప్రస్తుతం వసంత కాలం మధ్యలోనే కనిపిస్తున్నాయని నార్త్‌వెస్టర్న్ యూనివర్సిటీ డెర్మటాలజీ చీఫ్ డాక్టర్ అమై పల్లేర్ వ్యాఖ్యానించారు. ఇలా జరగడానికి, కరోనా వైరస్ సంక్రమణకు సంబంధం ఉందని భావించవచ్చని అన్నారు. ఈ లక్షణాలు బయటపడితే కరోనా వ్యాధి సంక్రమణకు సంకేతమని, తరువాత వైరస్ బారినపడతారని డాక్టర్ లౌటున్‌బచ్ తెలియజేశారు. కొన్నిసార్లు ఇతర లక్షణాలు లేనప్పుడు కాళ్లు ఇలా మారితే కోవిడ్-19గా భావించవచ్చని తెలిపారు. ఇవి ఎక్కువగా చిన్నారులు, కౌమారదశలో వారిలో కనబడతాయి. తీవ్రంగా కరోనా వైరస్ ప్రభావానికి గురైన ఇద్దరు చైనీస్ డాక్టర్ల చర్మం నలుపు రంగులోకి మారిపోయింది. తీవ్రంగా అనారోగ్యానికి గురి కావడంతో కాలేయం దెబ్బతినడంతోనే ఇలా జరిగింది. జనవరిలో వుహాన్ సెంట్రల్ హాస్పిటల్‌లో కరోనా పేషెంట్లకు చికిత్స అందిస్తోన్న సమయంలో డాక్టర్ యీ ఫాన్, డాక్టర్ హు వియిన్‌ఫెంగ్ కరోనా బారిన పడ్డారు. వీరిద్దరూ లైఫ్ సపోర్ట్ మీద చికిత్స పొందారు. చావు అంచులకు వెళ్లొచ్చిన వారు కోవిడ్ నుంచి కోలుకున్నప్పటికీ.. వారి చర్మం రంగు మాత్రం నలుపు రంగులోకి మారిపోయింది.
By April 25, 2020 at 11:00AM
No comments