ప్రపంచ వ్యాప్తంగా సూపర్ మూన్ దర్శనం... మనకు కనిపించదు

ఇవాళ సూపర్ పింక్ మూన్ అలరించింది. చంద్రుడు తన కక్ష్యలో తిరిగే క్రమంలో భూమికి అతి దగ్గరగా వచ్చినప్పుడు సాధారణం కంటే 7 శాతం పెద్దగా, 15శాతం ఎక్కువ ప్రకాశవంతంగా కనిపిస్తాడు. అందుకే.. ఆ రోజున కనిపించే చందమామను ‘సూపర్‌మూన్‌’ అని పిలుస్తారు. ఉత్తర అమెరికాలాంటి ప్రాంతాల్లో ‘పింక్‌మూన్‌’ అని, ఇతర దేశాల్లో గ్రాస్‌ మూన్‌, ది ఎగ్‌ మూన్‌, ద ఫిష్‌మూన్‌ అని పిలుస్తుంటారు. కాగా.. భారత్‌లో సూపర్‌మూన్‌ కనిపించకపోవచ్చని.. ఈ సారి చంద్రుడు భూమికి దగ్గరగా వచ్చినప్పుడు భారత్‌లో సమయం 8వ తేదీ ఉదయం 8.05గా ఉంటుందని శాస్త్రవేత్తలు పేర్కొన్నారు. ఏప్రిల్ 8న ఉదయం 8.05 గంటల నుంచి కనిపించనుంది. ఐతే... ఆ సమయంలో అమెరికాలో చీకటిగా, ఇండియాలో వెలుతురుగా ఉంటుంది. అందువల్ల భారతీయులకు పింక్ మూన్... కాంతి లేకుండా ఓ మేఘంలా మాత్రమే కనిపిస్తుంది. గత 20 ఏళ్లలో ఇలాంటి సూపర్ మూన్స్ 79 మాత్రమే వచ్చాయి. ప్రతీ 3 నెలలకూ ఓసారి వస్తుంది. ఈ సూపర్ మూన్ ఎందుకొస్తుందంటే... భూమి చుట్టూ చందమామ గుండ్రంగా ఉన్న కక్ష్యలో తిరగట్లేదు. కోడిగుడ్డు ఆకారపు కక్ష్యలో తిరుగుతోంది. అందువల్ల ఇది ఒక్కోసారి భూమికి దగ్గరగా, ఒక్కోసారి దూరంగా వెళ్తుంది. దూరంగా వెళ్లినప్పుడు దాన్ని మైక్రో మూన్ అంటారు. అప్పుడు చందమామ అత్యంత చిన్నగా కనిపిస్తుంది. ప్రస్తుతం ప్రపంచ వ్యాప్తంగా పలు దేశాల్లో కనిపిస్తున్న సూపర్ మూన్ ఫోటోలు సోషల్ మీడియాలో చక్కర్లు కొడుతున్నాయి. ఆయా దేశాలకు చెందిన ప్రజలు సూపర్ మూన్ ఫోటోల్ని తీసి పోస్టు చేస్తున్నారు. చంద్ర గ్రహణం, బ్లడ్ మూన్, సూపర్ మూన్.. ఈ మూడూ ఒకేరోజు వస్తే దాన్నే సూపర్ బ్లూ బ్లడ్ మూన్ అని పిలుస్తారు. ఒకే నెలలో రెండుసార్లు పౌర్ణమి వస్తే దాన్ని బ్లూమూన్ అంటారు. వస్తే దాన్ని సూపర్ మూన్ అంటారు. చందమామ సాధారణం కంటే 7 శాతం పెద్దగా, 15 శాతం ప్రకాశవంతంగా కనిపిస్తే దాన్ని సూపర్ మూన్‌ అంటారు. 2018 జనవరిలో సూపర్ బ్లడ్ మూన్ వచ్చింది. అప్పుడు తెలుగు రాష్ట్రాల ప్రజలు కూడా చాలామంది దీన్ని చూశారు.

By April 08, 2020 at 09:43AM

Read More https://telugu.samayam.com/latest-news/india-news/super-pink-moon-2020-when-where-pink-moon-appears/articleshow/75040108.cms