11 నెలల బిడ్డను చంపి ఉరేసుకున్న మహిళ.. వికారాబాద్‌తో విషాదం

తొమ్మిది నెలలు మోసి కనిపెంచిన బిడ్డను కన్నతల్లే చంపేసిన ఘటన జిల్లాలో జరిగింది. అనంతరం ఆమె కూడా ఆత్మహత్యకు పాల్పడింది. దౌల్తాబాద్‌ మండలం కుదురుమల్ల గ్రామానికి చెందిన శ్రీనివాస్‌ 2016లో తాండూరుకు చెందిన ఓ యువతిని ప్రేమించి పెళ్లి చేసుకొన్నాడు. ఆరు నెలలకే ఆమెతో విడిపోయి హైదరాబాద్ వచ్చేశాడు. అక్కడ ఓ షాపింగ్ మాల్‌లో పనిలో చేరాడు. అక్కడ పనిచేసే మద్దూర్‌కు చెందిన మల్లిక(25)తో పరిచయం ఏర్పడి ప్రేమగా మారింది. 2017లో ఆమెను ప్రేమ వివాహం చేసుకుని హైదరాబాద్‌లోని నల్లకుంటలో కాపురం పెట్టాడు. వీరికి బాబు సాత్విక్(11 నెలలు) ఉన్నాడు. Also Read: కరోనా వైరస్ కారణంగా లాక్‌డౌన్ విధించడంతో కుటుంబమంతా కొద్దిరోజుల క్రితమే కుదురుమల్లకు వెళ్లిపోయింది. శనివారం బాబు అనారోగ్యానికి గురికావడంతో దంపతులిద్దరూ ఆస్పత్రికి తీసుకెళ్లి చికిత్స చేయించారు. మధ్యాహ్న సమయంలో భోజనం చేసి అందరూ నిద్రపోయారు. ఆ తర్వాత శ్రీనివాస్‌ బయటకు వెళ్లగా... మల్లిక కొడుకుతో కలిసి గదిలోకి వెళ్లి ఉరేసుకుంది. ఆమె ఎంతసేపటికి బయటకు రాకపోవడంతో అత్తమామలు తలుపు తట్టారు. అయినా తీయకపోవడంతో వారు శ్రీనివాస్‌కు ఫోన్ చేసి చెప్పారు. Also Read: కొద్దిసేపటికి శ్రీనివాస్ ఇంటికొచ్చి తలుపు పగులగొట్టి లోపలికి వెళ్లి చూడగా మల్లిక ఫ్యాన్‌కు వేలాడుతూ కనిపించింది. బాబు స్వాతిక్ కూడా విగతజీవిగా కనిపించడంతో వెంటనే పోలీసులకు సమాచారం ఇచ్చారు. దౌల్తాబాద్ ఎస్ఐ విశ్వజాన్ వెంటనే సంఘటనా స్థలానికి చేరుకుని పరిశీలించారు. కేసు నమోదు చేసుకుని దర్యాప్తు చేపట్టారు. కన్నకొడుకును చంపి మల్లిక ఎందుకు ఆత్మహత్య చేసుకుందో తెలీక కుటుంబసభ్యులు కన్నీరుమున్నీరవుతున్నారు. Also Read:

By April 19, 2020 at 10:02AM

Read More https://telugu.samayam.com/latest-news/crime/mother-kills-11-months-baby-boy-before-she-commits-suicide-in-vikarabad/articleshow/75229369.cms