బాహుబలిగా ట్రంప్.. వీడియో ట్వీట్ చేసిన అమెరికన్ ప్రెసిడెంట్
భారత పర్యటనకు వస్తున్న అమెరికా అధ్యక్షుడు మంచి ఉత్సాహంతో ఉన్నారు. ఎలాగూ వస్తున్నారు కదా.. ఇండియన్స్లో జోష్ నింపేందుకు వచ్చిన అవకాశాలను వినియోగించుకుంటున్నారు. పర్యటనకు ఓ రోజు ముందు వీడియోను షేర్ చేశారు. అదేంటి బాహుబలికి ట్రంప్కు ఏం సంబంధం అనుకుంటున్నారా.. అక్కడే ఉంది చిన్న ట్విస్ట్. ట్రంప్ ఫోటోలతో ఓ వ్యక్తి బాహుబలి వీడియోను మార్ఫ్ చేసి.. దాన్ని ట్విట్టర్లో షేర్ చేశాడు. ఆ వీడియోను ట్రంప్ ట్వీట్ చేశారు.. ఇండియా ఫ్రెండ్స్ని కలిసేందుకు ఆసక్తిగా ఎదురుచూస్తున్నానని అన్నారు. ఈ వీడియోలో బాహుబలి మూవీ ట్రైలర్ను ట్రంప్, ఆయన భార్య మెలానియా, ప్రధాని మోదీ ఫొటోలతో మార్ఫ్ చేసి కొన్ని మార్పులు చేశాడు. ప్రభాస్ బదులు ట్రంప్ ఫేస్ను మార్ఫింగ్ చేశాడు. ఈ వీడియోను ట్రంప్ ట్వీట్ చేయడం ఆసక్తికరంగా మారింది. ఇరు దేశాల సమైక్యత కోసం శత్రువుల్ని చెండాడి ట్రంప్ విజయం సాధించినట్లు క్రియేట్ చేశారు. ఈ వీడియోను ట్వీట్ చేసిన ఆమె పేరు సోల్.. మీమటేషియన్గా, జీఎఫ్వై వర్సిటీలో మీమాలజీ ప్రొఫెసర్గా పనిచేస్తున్నారు. ఆయన గతంలో ట్రంప్నకు సంబంధించిన మరికొన్ని వీడియోలను ఇలాగే రూపొందించారు. ఆమె ట్రంప్ను అభిమానించేవారిగా అర్థమవుతోంది. ట్రంప్ ఈ నెల 25న భారత్ పర్యటనకు వస్తున్న సంగతి తెలిసిందే.
By February 23, 2020 at 11:22AM
No comments