కోడలిపై అత్తమామాల అఘాయిత్యం.. మంచానికి కట్టేసి..

వివాహం చేసుకుని కొత్త ఆశలతో అత్తారింట్లో అడుగుపెట్టిన కోడలికి ఎదురయ్యాయి. పొట్టకూటి కోసం భర్త విదేశాలకు వెళ్లడంతో ఆమె అత్తమామలతో కలసి ఉంటోంది. కూతురిలా చూసుకోవాల్సిన అత్తమామలు కోడలిని వేధించడం మొదలుపెట్టారు. అదనపు కట్నం తీసుకురావాలంటూ హింసించేవారు. వారికి తోడు ఆడపడుచులు కూడా తోడయ్యారు. అదనపు కట్నం తీసుకురావడం లేదని ఆగ్రహించిన అత్తమామలు కోడలిని మంచానికి కట్టేసి కిరోసిన్ పోసి ఘాతుకానికి పాల్పడ్డారు. ఈ దారుణ ఘటన ఒడిశాలో జరిగింది. కేండ్రపారా జిల్లాకు చెందిన మహిళకు అదే ప్రాంతానికి చెందిన వ్యక్తితో 2018లో వివాహమైంది. పెళ్లైన కొద్దిరోజులకే ఆమె భర్త బతుకుదెరువు కోసం విదేశాలకు వెళ్లాడు. ఒమన్‌‌లో ప్లంబర్‌గా పని చేస్తూ కుటుంబాన్ని పోషిస్తున్నాడు. భార్య అత్తమామలతో కలసి అత్తారింట్లోనే ఉంటోంది. ఈ నేపథ్యంలో భార్యకు వరకట్న వేధింపులు ప్రారంభమయ్యాయి. పెళ్లి సమయంలో ఇచ్చిన కట్నం సరిపోలేదని.. ఇంకా తీసుకురావాలంటూ అత్తమామలు వేధిస్తున్నారు. Also Read: వారికి తోడు ఆమె ఆడపడుచులు తోడయ్యారు. భర్త ఇద్దరు సోదరీమణులు కూడా కోడలిని వేధిస్తూ తరచూ గొడవలు పెట్టుకునేవారు. ఎంత వేధించినా ఆమె అదనపు కట్నం తీసుకురావడం లేదని ఆగ్రహించిన అత్తమామలు కోడలిపై ఘాతుకానికి పాల్పడ్డారు. ఆమెను మంచానికి కట్టేసి ఒంటిపై కిరోసిన్ పోసి నిప్పంటించారు. మంటల్లో కాలిపోతున్న కోడలు పెద్దగా కేకలు వేయడంతో స్థానికులు వచ్చి మంటలను ఆర్పి ఆస్పత్రికి తరలించారు. Read Also: సుమారు 60 శాతం కాలిన గాయాలతో కోడలు ఆస్పత్రితో చావుబతుకుల మధ్య కొట్టకుంటోంది. సమాచారం అందుకున్న పోలీసులు అత్తమామలు, ఆడపడుచులపై కేసు నమోదు చేసి దర్యాప్తు చేస్తున్నారు. ఇప్పటికే ముగ్గురిని అరెస్టు చేశారు. మరో ఆడపడుచు.. ఆమె భర్త పరారీలో ఉన్నారు. వారి కోసం గాలింపు చర్యలు చేపట్టారు.

By February 04, 2020 at 10:45AM

Read More https://telugu.samayam.com/latest-news/crime/woman-tied-cot-set-on-fire-for-failing-to-bring-dowry-in-odisha/articleshow/73925852.cms