Iran Attack 80 మంది అమెరికా ఉగ్రవాదులను హతమార్చాం: ఇరాన్ ప్రకటన

ఇరాక్‌లోని అమెరికా సైనిక స్థావరాలపై మంగళవారం రాత్రి బాలిస్టిక్ క్షిపణులతో విరుచుకుపడిన విషయం తెలిసిందే. ఇరాక్‌లోని అల్ అసద్, ఇర్బిల్‌ ఎయిర్‌బేస్‌లపై డజనుకుపైగా క్షిపణులతో దాడిచేసినట్టు పెంటగాన్‌ ధ్రువీకరించింది. అయితే, ఇరాన్ క్షిపణి దాడిలో ప్రాణనష్టంపై ఇంకా ఎలాంటి స్పష్టత రాలేదని అమెరికా ప్రకటించింది. కానీ, తాము జరిపిన క్షిపణి దాడుల్లో 80 మంది అమెరికా తీవ్రవాదులు హతమయ్యారని ఇరాన్ అధికార మీడియా ప్రకటించింది. అల్ అసద్ స్థావరంపై తొమ్మిది క్షిపణులతో ఇరాన్ దాడిచేసినట్టు స్థానిక భద్రతా వర్గాలు వెల్లడించాయి. ఈ దాడులకు తామే పాల్పడినట్టు ఇరాన్ తన అధికారిక మీడియాలో ప్రకటించింది. ఇరాక్‌లోని అమెరికా స్థావరాలే లక్ష్యంగా చేసిన ఇరాన్ క్షిపణి దాడులను ఏవీ అడ్డుకోలేకపోయానని, మొత్తం 15 క్షిపణులతో దాడిచేసినట్టు తెలిపింది. అంతేకాదు, ఒకవేళ అమెరికా మరోసారి దుస్సాహసానికి ఒడిగడితే ఆ దేశానికి చెందిన 100 స్థావరాలను లక్ష్యంగా చేసుకుని దాడిచేస్తామని హెచ్చరించింది. Read Also: ఇదిలా ఉండగా ఇరాక్ దాడిలో జరిగిన నష్టంపై అమెరికా అంచనా వేస్తోంది. ఇరాన్ క్షిపణి దాడిపై అమెరికా అధ్యక్షుడు డొనాల్డ్ ట్రంప్ ట్విట్టర్‌లో స్పందిస్తూ.. అంతా బాగానే ఉందని వ్యాఖ్యానించారు. క్షిపణి దాడులను ఖండించిన అమెరికా అధ్యక్షుడు డొనాల్డ్ ట్రంప్‌.. పశ్చిమాసియాకు మరిన్ని బలగాలను తరలించాలని ఆదేశించారు. ఇరాన్‌ మెరుపు దాడుల నేపథ్యంలో ఇరు దేశాల మధ్య పరిస్థితి మరింత ఉద్రిక్తంగా మారింది. Read Also: ఇదే సమయంలో అమెరికా సైన్యం పశ్చిమాసియాను విడిచివెళ్లాలని ఇరాన్ హెచ్చరించింది. ఇరాన్‌లో అతిపెద్ద సైనిక స్థావరమైన అల్ అసద్‌లో విదేశీ బలగాలు, సంకీర్ణ దళాలు ఉపయోగించుకుంటున్నాయి. మరోవైపు, ఇరాన్ క్షిపణి దాడిలో తమ సైనికులు ఎవరూ చనిపోలేదని, వారు గాయపడలేదని డెన్మార్ రక్షణ శాఖ వర్గాలు వెల్లడించాయి.

By January 08, 2020 at 11:30AM

Read More https://telugu.samayam.com/latest-news/international-news/iran-claims-80-american-terrorists-killed-in-missile-strikes-on-us-bases-in-iraq/articleshow/73150395.cms