న్యూ ఇయర్ వేడుకల్లో విషాదం.. మహానందిలో యువకుడి దారుణహత్య

జిల్లా గ్రామ పంచాయతీలోని ఈశ్వరనగర్‌లో యువకుడు దారుణ హత్యకు గురయ్యాడు. గ్రామానికి చెందిన బంగి వెంకటేశ్వర్లు, సావిత్రి దంపతుల రెండో కుమారుడు ఉపేంద్ర(21) హత్యకు గురికాగా, పెద్ద కుమారుడు రాజశేఖర్‌ తీవ్రంగా గాయపడ్డాడు. నంద్యాలలోని రామకృష్ణ డిగ్రీ కళాశాలలో డిగ్రీ థర్డ్ ఇయర్ చదువుతున్న ఉపేంద్ర న్యూ ఇయర్ సందర్భంగా తన బంధువులు, స్నేహితులతో కలిసి కాశిరెడ్డినాయన ఆశ్రమం సమీపంలోని నీళ్ల ట్యాంకు వద్ద మంగళవారం అర్ధరాత్రి కేక్ కట్ చేసి వేడుకలు చేసుకున్నాడు. Also Read: ఈ సందర్భంగా ఉపేంద్ర ఫ్రెండ్‌ మహేష్‌ను షేక్‌ వసీమ్‌ అనే వ్యక్తి చులకనగా మాట్లాడటంతో వివాదం తలెత్తింది. ఈ క్రమంలో మహేష్‌పై వసీమ్ వర్గీయులు దాడికి పాల్పడగా ఉపేంద్ర అడ్డు వెళ్లాడు. ఈ క్రమంలో ఓ యువకుడు ఉపేంద్ర గుండెల్లో కత్తి గుచ్చాడు. దీంతో బాధితుడిని నంద్యాల ప్రభుత్వాసుపత్రికి తరలించగా చికిత్స పొందుతూ మృతిచెందాడు. ఈ ఘర్షణలో ఉపేంద్ర అన్న రాజశేఖర్‌, బంధువు నాగరాజు తీవ్రంగా గాయపడ్డారు. Also Read: తన కుమారుడిని దారుణంగా చంపేసిన వారిపై చర్యలు తీసుకోవాలని ఉపేంద్ర తండ్రి బంగి వెంకటేశ్వర్లు మహానంది పోలీసులకు ఇచ్చారు. వడ్డే సురేంద్ర, రఘు, వసీం, వడ్డే రవి, నూర్‌బాషా, కరిమద్దెల రామాంజనేయులు, భూనేని శివ, దుబ్బ శివ తదితరులు తన కుమారుడిని హత్య చేశారని ఆయన ఫిర్యాదులో పేర్కొన్నారు. నిందితుల్లో వడ్డే సురేంద్ర, రఘు అలియాస్‌ రాఘవేంద్ర, షేక్‌ వసీంలపై 2019, అక్టోబరులో పోలీసులు రౌడీషీట్‌ తెరిచారు. ఈ ముగ్గురు 2019 జూన్‌ 16న జరిగిన మహానందికి చెందిన తలారి మండ్ల రవి హత్య కేసులో నిందితులుగా ఉన్నారు. కొద్దినెలల క్రితమే బెయిల్‌పై వచ్చారు. నిందితుల్లో కొందరిని పోలీసులు అదుపులోకి తీసుకుని విచారిస్తున్నారు. Also Read:

By January 02, 2020 at 08:56AM

Read More https://telugu.samayam.com/latest-news/crime/young-man-brutally-killed-at-new-year-celebrations-in-mahanandi/articleshow/73064089.cms