హైదరాబాద్‌లో రెచ్చిపోయిన మైనర్.. అడ్డదిడ్డంగా కారు నడిపి డివైడర్‌ను ఢీకొట్టి

హైదరాబాద్‌ నగరంలో మైనర్లు రెచ్చపోతున్నారు. తల్లిదండ్రులకు తెలియకుండా వాహనాలతో రోడ్లపైకి వచ్చి నానా రచ్చ చేస్తున్నారు. తమ ప్రాణాలను రిస్క్‌లో పెట్టుకోవడమే కాకుండా ఎదుటివారిని సైతం భయభ్రాంతులకు గురిచేస్తున్నారు. వాళ్లు చేసే పిల్లచేష్టలతో తల్లిదండ్రులు సైతం ఇబ్బందులు పడుతున్నారు. ఇలాగే ఓ మైనర్ కుర్రాడు చేసిన పనితో అతడి తండ్రి కూడా కేసులో ఇరుక్కున్నాడు. Also Read: శంషాబాద్‌కు చెందిన ఓ మైనర్ బాలుడు తల్లిదండ్రులకు తెలియకుండా బుధవారం కారుతో రోడ్డుపైకి వచ్చాడు. పండుగ సమయంలో కావడంతో రోడ్లన్నీ ఖాళీగా దర్శనమిచ్చాయి. ఇంకేముంది వచ్చీరాని డ్రైవింగ్‌తో దూసుకుపోయాడు. వేగం పెరగడంతో అదుపు చేయలేక చివరికి రాజేంద్రనగర్ పోలీస్‌స్టేషన్‌కు కూతవేటు దూరంలో డివైడర్ ఎక్కించి కరెంట్ స్తంభాన్ని ఢీకొట్టాడు. ఈ ఘటనలో ఇద్దరు గాయపడగా.. వారిలో ఒకరి పరిస్థితి విషమంగా ఉంది. Also Read: రాజేంద్రనగర్ పోలీసులు వెంటనే అక్కడికి చేరుకుని క్షతగాత్రులను ఆస్పత్రికి తరలించారు. దీనిపై కేసు నమోదు చేసుకుని దర్యాప్తు చేపట్టారు. రోడ్డుపై రద్దీ లేకపోవడంతో పెనుప్రమాదం తప్పిందని పోలీసులు చెబుతున్నారు. కారు నడిపిన బాలుడిని అదుపులోకి తీసుకున్న పోలీసులు వాంగ్మూలాన్ని సేకరించారు. బాలుడితో పాటు అతడి తండ్రిపైనా కేసు నమోదు చేసి విచారిస్తున్నట్లు పోలీసులు తెలిపారు. Also Read:

By January 16, 2020 at 12:04PM

Read More https://telugu.samayam.com/latest-news/crime/car-hit-road-divider-in-rajendra-nagar-hyderabad-over-minor-rash-driving/articleshow/73291835.cms