హోటల్‌ రూమ్‌లో ఎస్‌బీఐ ఉద్యోగిని ఆత్మహత్య.. కర్నూలులో కలకలం

నగరంలో బ్యాంకు ఉద్యోగిని ఆత్మహత్య చేసుకోవడం కలకలం రేపింది.. శిరువెళ్ల మండలం ఎర్రగుంట్లలోని స్టేట్‌బ్యాంక్ ఆఫ్ ఇండియా బ్రాంచిలో అసిస్టెంట్ మేనేజర్‌గా పనిచేస్తున్న వెంకటేశ్వరమ్మ(34) కర్నూలు ఆర్టీసీ బస్టాండు సమీపంలోని ఓ హోటల్‌లో ఆత్మహత్య చేసుకుంది. ఆమె భర్త శేఖర్‌ పంచాయతీరాజ్‌ శాఖలో సచివాలయ కార్యదర్శిగా పనిచేస్తున్నారు. వీరికి ఓ కుమారుడు ఉన్నారు. ప్రస్తుతం వీరి కుటుంబం నంద్యాలలోని వీసీ కాలనీలో నివాసముంటోంది. Also Read: కొద్దిరోజులుగా సెలవులో ఉన్న ఆమె సోమవారం బ్యాంకుకు వెళ్లి కనిపించకుండా పోయారు. సోమవారం రాత్రయినా ఇంటికి రాకపోవడంతో ఆమె తండ్రి బాల వెంకటస్వామి ఫోన్ చేయగా స్విచ్ఛాఫ్ వచ్చింది. దీంతో ఆయన శిరువెళ్ల పోలీసులకు ఫిర్యాదు చేశారు. దీంతో పోలీసలు మిస్సింగ్ కేసు నమోదు చేసుకుని దర్యాప్తు చేపట్టారు. మంగళవారం కర్నూలు ఆర్టీసీ బస్టాండ్ సమీపంలోని ఓ హోటల్‌లో వెంకటేశ్వరమ్మ ఆత్మహత్య చేసుకున్నట్లు తెలుసుకున్న కర్నూలు నాలుగో పట్టణ ఎస్సై పెద్దయ్యనాయుడు మృతదేహాన్ని పరిశీలించి కుటుంబసభ్యులను విచారించారు. Also Read: గదిలో పురుగుల మందు డబ్బా ఉండటంతో ఆత్మహత్య చేసుకున్నట్లు పోలీసులు ప్రాథమికంగా నిర్ధారించారు. ఆమె సోమవారం రాత్రి కర్నూలు చేరుకుని హోటల్‌లో రూమ్ తీసుకున్నట్లు గుర్తించారు. వ్యక్తిగత సమస్యలతో ఆత్మహత్య చేసుకున్నట్లు ప్రాథమిక విచారణలో తేలింది. దీనికి సంబంధించి ఆళ్లగడ్డకు చెందిన ఓ బ్యాంకు ఉద్యోగిని పోలీసులు ప్రశ్నిస్తున్నారు. Also Read:

By January 08, 2020 at 09:20AM

Read More https://telugu.samayam.com/latest-news/crime/sbi-assistant-manager-commits-suicide-in-kurnool-town/articleshow/73148719.cms