కోనసీమలో రేవ్ పార్టీ.. అర్ధనగ్నంగా డ్యాన్సులు చేస్తున్న యువతుల అరెస్ట్

సంక్రాంతి పండగ వేళ తూర్పుగోదావరి జిల్లా ప్రాంతంలో అసాంఘిక కార్యకలాపాలు అడ్డూఅదుపూ సాగిపోయాయి. ముఖ్యంగా రావులపాలెంలో కోడిపందేలు, పేకాట, గుండాట, రికార్డింగు డ్యాన్సులు నిరాటంకంగా నిర్వహించారు. పోలీసులు ఎన్ని హెచ్చరికలు చేసినా నిర్వాహకులు పట్టించుకోలేదు. కొత్తపేట శివారు పనసల దొడ్డిలో అసాంఘిక కార్యక్రమాలు నిర్వహిస్తున్నారన్న సమాచారంతో రావులపాలెం సీఐ కృష్ణ ఆధ్వర్యంలో పోలీసులు బుధవారం రాత్రి అకస్మిక దాడి చేశారు. Also Read: ఈ సందర్భంగా పేకాట ఆడుతున్న 14 మందిని అరెస్టు చేసి, రూ.1,02,250 నగదు, 10 కార్లు, 26 బైక్‌లను స్వాధీనం చేసుకున్నారు. అర్ధరాత్రి అర్ధనగ్నంగా డ్యాన్సులు చేస్తున్న నలుగురు మహిళలను అరెస్ట్ చేశారు. వీరితో పాటు నిర్వాహకులనూ అరెస్ట్ చేసి కేసులు నమోదు చేశారు. సంక్రాంతి పండగ సందర్భంగా ఇతర ప్రాంతాల నుంచి వచ్చిన వారు కొందరు పనసలదొడ్డిలో స్థానికుల సహాయంతో రేవ్ పార్టీ ఏర్పాటు చేసుకుని, అర్ధనగ్నంగా డ్యాన్సులు చేసేందుకు అమ్మాయిలను కూడా తీసుకువచ్చి డీజే ఏర్పాటు చేశారని పోలీసులకు సమాచారం అందింది. Also Read: ఈ విషయం రాజకీయ కోణంలో పోలీసులకు సమాచారం అందడంతో రావులపాలెం ఎస్‌ఐ కె.రమేష్‌ సిబ్బందితో వెళ్లి దాడి చేశారు. ఆ సమయంలో అశ్లీల నృత్యాలు, మందు పార్టీలు, పేకాట వంటి అసాంఘిక కార్యక్రమాలు నిర్వహిస్తూ సుమారు 100 మంది వరకు ఉన్నారని స్థానికులు చెబుతున్నారు. అయితే పోలీసులు పక్కా ప్లాన్ ప్రకారం కొందరిని మాత్రమే అరెస్ట్ చేసి మిగిలిన వారిని వదిలిపెట్టారని ఆరోపణలు వస్తున్నాయి. ఈ వ్యవహారంలో భారీగా ముడుపులు చేతులు మారాయని ఆరోపణలు వినిపిస్తున్నాయి. అయితే పోలీసులు మాత్రం ఈ ఆరోపణలన్నింటినీ కొట్టిపారేస్తున్నారు. Also Read:

By January 17, 2020 at 09:17AM

Read More https://telugu.samayam.com/latest-news/crime/rave-party-busted-in-konaseema-east-godavari-district/articleshow/73317416.cms