తొలిసారిగా భారత పర్యటనకు ట్రంప్, ఎప్పుడంటే...

అమెరికా అధ్యక్షుడు డొనాల్డ్ త్వరలో భారత పర్యటనకు రానున్నారు. ఈ మేరకు విదేశాంగశాఖ ఉన్నతాధికారులు వెల్లడించారు. అయితే, ఫిబ్రవరిలో కోసం ఇరు దేశాల అధినేతలకు వీలయ్యే తేదీని ఖరారు చేసే పనిలో తాము ఉన్నట్లు ఓ సీనియర్ అధికారి విశ్వసనీయంగా వెల్లడించారు. ఈ పర్యటనలోనే చాలా కాలంగా పెండింగ్‌లో ఉన్న ద్వైపాక్షిక వాణిజ్య ఒప్పందం, పౌర విమానయాన ఒప్పందంపై సంతకాలు చేసే అవకాశమున్నట్లు ఓ జాతీయ వార్తా సంస్థ వెల్లడించింది. 2009 అనంతరం ఆ స్థాయిలో పతన దశలో దేశ ఆర్థిక వృద్ధి, పౌరసత్వ సవరణ చట్టం వల్ల చెలరేగుతున్న నిరసనల నడుమ ట్రంప్ భారత పర్యటనకు వస్తుండడం ప్రాధాన్యం సంతరించుకుంది. Also Read: ట్రంప్ భారత పర్యటనకు వస్తే ఆయన అధికారం చేపట్టాక తొలిసారి ఇక్కడికి వచ్చినట్లవుతుంది. గతంలో ఆయన కుమార్తె ఇవాంకా ట్రంప్ హైదరాబాద్ వచ్చిన సంగతి తెలిసిందే. భారత పర్యటనకు రావాలని ప్రధాని మోదీ జనవరి 7న ట్రంప్‌కు ఫోన్ చేసి ఆహ్వానించినట్లు విశ్వసనీయవర్గాలు తెలిపినట్లు ఓ జాతీయ ఆంగ్ల వార్తాపత్రిక వెల్లడించింది. అయితే, మోదీ ఆహ్వానంపై ట్రంప్ కూడా ఆసక్తి కనబర్చినట్లు తెలిసింది. అమెరికాలో ఈ ఏడాది నవంబరులో ఎన్నికలు ఉండడమే ఇందుకు కారణంగా చెబుతున్నారు. మరోవైపు, ట్రంప్‌పై అమెరికన్ కాంగ్రెస్‌లో అభిశంసన తీర్మానం చర్చల దశలో ఉన్నందున, దీని తదనంతర పరిణామాల ఆధారంగా ట్రంప్ పర్యటన తేదీలను ఖరారు చేసే అవకాశం ఉన్నట్లు తెలుస్తోంది. Also Read: గతేడాది జనవరిలో గణతంత్ర దినోత్సవం సందర్భంగా ఢిల్లీలోని రాజ్‌పథ్‌లో జరిగే వేడుకలకు ట్రంప్‌ను మోదీ ఆహ్వానించారు. కానీ, కొన్ని కార్యక్రమాలు ముందస్తుగా ఖరారై ఉండడం వల్ల భారత పర్యటనకు రాలేనని అప్పుడు ఆయన తిరస్కరించారు. అయితే, భారత పర్యటనకు తప్పకుండా వెళ్తానని ఓ సందర్భంలో ట్రంప్ వైట్ హౌజ్‌లో అన్నారు. Also Read:

By January 14, 2020 at 03:44PM

Read More https://telugu.samayam.com/latest-news/india-news/donald-trump-indias-visit-likely-to-be-in-february-says-sources/articleshow/73248010.cms