అనుమానపు పిశాచి.. భార్యాకుమార్తెలకు నిప్పుపెట్టి ఆ మంటలకే తానూ బలి

పెళ్లయి 20ఏళ్లయినా ఆ వ్యక్తికి భార్యపై అనుమానం తొలగలేదు. తనను మోసం చేస్తూ వేరొకరితో సంబంధం నెరుపుతోందని అనుమానిస్తూ నిత్యం వేధించాడు. చివరకు ఆ అనుమానం ఆమె ప్రాణాలు తీసే స్థాయికి చేరింది. భార్యను కొడుతున్నప్పుడు అడ్డొస్తుందని కూతురికి సైతం నిప్పు పెట్టి తాను ఆ మంటల్లో సజీవదహనమయ్యాడు. జిల్లా చిన్నంబావి మండలం అయ్యవారిపల్లిలో బుధవారం రాత్రి జరిగిన సంఘటనలో తండ్రి, కుమార్తె చనిపోగా తల్లి చావుబతుకుల మధ్య కొట్టుమిట్టాడుతోంది. Also Read: అయ్యవారిపల్లికి చెందిన జయన్న, వరలక్ష్మికి 20 ఏళ్ల కిందట వివాహమైంది. వారికి కుమారుడు సృజన్‌(19), కుమార్తె గాయత్రి(17) ఉన్నారు. గతంలో డ్రైవర్‌గా పనిచేసిన జయన్న మద్యానికి బానిసై జులాయిగా తిరుగుతున్నాడు. పెళ్లైనప్పటి నుంచి భార్యను అనుమానంతో వేధిస్తూనే ఉండేవాడు. మూడు నెలల కిందట గొడవ పెట్టుకుని తీవ్రంగా కొట్టడంతో ఆమె పుట్టింటికి వెళ్లిపోయింది. పెద్దమనుషుల జోక్యంతో కొద్దిరోజుల కిందటే భర్త దగ్గరికి తిరిగొచ్చింది. మూడు రోజుల కిందట ఇద్దరి మధ్య మరోమారు గొడవ జరిగింది. ప్రతి సందర్భంలో కుమార్తె గాయత్రి తల్లి పక్షానే నిలుస్తుండటంతో జయన్న ఆమెపైనా కోపాన్ని పెంచుకున్నాడు. దీంతో ఇద్దరినీ చంపేయాలని నిర్ణయించుకున్నాడు. Also Read: బుధవారం రాత్రి 9.30గంటల సమయంలో పెట్రోల్‌ తెచ్చి పడుకున్న భార్య, కుమార్తెపై చల్లాడు. కుమార్తె వెంటనే మేల్కొనగా లైటర్‌తో నిప్పంటించాడు. ఒక్కసారిగా లేచిన మంటలు అతడికీ అంటుకున్నాయి. ముగ్గురు తీవ్రంగా గాయపడటంతో స్థానికులు కొల్లాపూర్‌‌లోని ప్రభుత్వ ఆస్పత్రికి తరలించారు. అక్కడి నుంచి మహబూబ్‌నగర్‌ ప్రభుత్వ ఆసుపత్రికి తరలిస్తుండగా మార్గమధ్యలో గాయత్రి మృతిచెందింది. జయన్న చికిత్స పొందుతూ గురువారం తెల్లవారుజామున ప్రాణాలు కోల్పోయాడు. వరలక్ష్మి మాత్రం ప్రాణాపాయ స్థితిలో కొట్టుమిట్టాడుతోంది. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు. జయన్న పెళ్లయిన నాటి నుంచి క్రూరంగా ప్రవర్తించేవాడని, గాయత్రి పుట్టినప్పుడు ఆడపిల్ల అన్న అక్కసుతో బాలింతరాలైన భార్యను, రోజుల పసిగుడ్డును ఇంట్లోకి రానివ్వకుండా వర్షంలో నిలబెట్టాడని గ్రామస్థులు చెబుతున్నారు. Also Read:

By January 03, 2020 at 08:49AM

Read More https://telugu.samayam.com/latest-news/crime/telangana-man-sets-ablaze-his-wife-daughter-he-also-died/articleshow/73078221.cms