ఏపీ డీజీపీనే బెదిరించిన ఘనులు.. వెలుగులోకి ఖతర్నాక్ దంపతుల లీలలు

బంజారాహిల్స్‌ పోలీసులపై అత్యాచార ఆరోపణలు చేసిన అట్లూరి సురేశ్, ప్రవిజ దంపతుల వ్యవహార శైలిపై పోలీసులు దృష్టి సారించారు. విజయవాడకు చెందిన సురేశ్ దంపతులు ప్రస్తుతం యూసుఫ్‌గూడలోని చెక్‌పోస్టులో నివాసముంటున్నారు. ఇంటి యజమానిని బెదిరించిన కేసులో గతంలోనే వారిపై జూబ్లీహిల్స్ పోలీస్‌స్టేషన్‌లో కేసు నమోదైంది. అయితే వీరు హైదరాబాద్‌లోనే కాకుంగా విజయవాడలో ఉన్నప్పుడు అనేక మోసాలకు పాల్పడినట్లు గుర్తించారు. Also Read: విజయవాడ ఎస్సార్‌పేట పోలీసుల నుంచి కమిషనర్‌ వరకు కొందరు అధికారులను బెదిరింపులకు గురిచేసినట్లు విచారణలో తేలింది. విజయవాడ ఎస్సార్‌పేట పీఎస్ పరిధిలో తన మరదలి వివాహం విషయంలో జోక్యం చేసుకోవడంతో పాటు అప్పటి కమిషనర్‌, ప్రస్తుత డీజీపీని బ్లాక్‌మెయిల్‌ చేసినట్లు ఏపీ డీజీపీ కార్యాలయ వర్గాలు పోలీసులకు సమాచారం ఇచ్చాయి. Also Read: సురేశ్ విజయవాడ నగరంలో సన్‌ కన్సల్టెన్సీ పేరుతో ఉద్యోగాలు ఇప్పిస్తానని అనేకమంది నిరుద్యోగులను మోసం చేశాడని, ఈ కేసులో మూడేళ్ల జైలుశిక్ష పడిందని పోలీసులు చెబుతున్నారు. బెయిల్‌పై బయటకు వచ్చిన సురేశ్ హైదరాబాద్‌కు మకాం మార్చాడని, తీరు మార్చుకోకుండా ఇక్కడ కూడా మోసాలకు తెరలేపాడని తెలిపారు. సురేశ్, ప్రవిజ దంపతులపై విజయవాడలోని పటమటలో 2016లో ఓ కేసు నమోదైనట్లు తేలింది. హైదరాబాద్‌లోనూ వారిపై 12 చీటింగ్ కేసులు ఉన్నట్లు పోలీసులు చెబుతున్నారు. బంజారాహిల్స్‌ పోలీసులు తన భర్తను చిత్రహింసలు పెట్టి తనపై అత్యాచారం చేయబోయారంటూ సురేశ్, ప్రవిజ రెండ్రోజుల క్రితం ఓ వీడియోను సోషల్‌మీడియాలో పోస్ట్ చేసిన సంగతి తెలిసిందే. దీంతో కలవరపడిన పోలీసులు అదేరోజు సాయంత్రం ఆ దంపతుల మోసాలను ఆధారాలతో సహా బయటపెట్టారు. Also Read:

By December 18, 2019 at 08:35AM

Read More https://telugu.samayam.com/latest-news/crime/hyderabad-police-reveals-another-angle-of-cheating-couple/articleshow/72862404.cms