యువతి స్నానం చేస్తుండగా వీడియో తీసిన యువకుడు.. మధ్యలో ఇరుక్కున్న ఎస్ఐ

మహిళలపై అఘాయిత్యాలను అరికట్టేందుకు ప్రభుత్వాలు ఎన్ని చర్యలు తీసుకుంటున్నా కామాంధుల్లో మాత్రం ఎలాంటి మార్పు రావడం లేదు. అంతేకాకుండా ప్రభుత్వ ఆశయాలను నీరుగార్చే విధంగా కొందరు పోలీసులు వ్యవహరిస్తున్న తీరు కూడా ప్రజల్లో ఆగ్రహావేశాలు వెల్లువెత్తుతున్నాయి. తూర్పగోదావరి జిల్లా గోకవరం మండలంలోని ఓ గ్రామానికి చెందిన యువతిని కొత్తపల్లి గ్రామానికి చెందిన దిండి రామ్‌కుమార్‌ అనే యువకుడు ప్రేమ పేరుతో వేధిస్తున్నారు. ఆమె అతడి ప్రేమను తిరస్కరించడంతో ఎలాగైనా కక్ష తీర్చుకోవాలనుకున్నాడు. Also Read: ఈ నెల 20(శుక్రవారం) ఆమె ఇంటి సమీపానికి చేరుకున్న అతడు యువతి బాత్‌రూమ్‌కి వెళ్లగానే కిటికీలో సెల్‌ఫోన్ పెట్టి రికార్డ్ చేశాడు. ఈ విషయాన్ని గమనించిన యువతి కేకలు వేయడంతో రామ్‌కుమార్‌ సెల్‌ఫోన్ అక్కడే వదిలేసి పారిపోయాడు. దీంతో బాధితురాలు ఆ సెల్‌ఫోన్ తీసుకుని తల్లిదండ్రులతో కలిసి పోలీస్‌స్టేషన్‌కు వెళ్లింది. ఆమె ఫిర్యాదును పోలీసులు తీసుకోకుండా సుమారు నాలుగు గంటల పాటు స్టేషన్‌లో కూర్చబెట్టారు. చివరికి ఫిర్యాదు తీసుకోకుండానే నిందితుడి కనిపిస్తే తమకు ఫోన్ చేయాలని రెండు నంబర్లు చీటీపై రాసిచ్చారు. Also Read: రామ్‌కుమార్ వీడియో తీసిl సెల్‌ఫోన్‌ను ఎస్ఐ చెన్నారావు తీసుకోవడం, ఆయన వ్యవహారశైలి అనుమానాస్పదంగా ఉండటంతో యువతి తల్లిదండ్రులు మాజీ ఎంపీపీ జనపరెడ్డి సుబ్బారావు ద్వారా స్థానిక ఎమ్మెల్యే జ్యోతుల చంటిబాబు దృష్టికి తీసుకెళ్లారు. ఆయన ఆదేశాలతో పోలీసులు శనివారం రాత్రి నిందితుడిపై కేసు నమోదు చేశారు. నిందితుడికి అనుకూలంగా వ్యవహరిస్తున్న ఎస్ఐ చెన్నారావుపై చర్యలు తీసుకోవాలంటూ యువతి బంధువులు శనివారం స్టేషన్‌ ఎదుట ఆందోళన చేపట్టారు. Also Read:

By December 22, 2019 at 12:13PM

Read More https://telugu.samayam.com/latest-news/crime/young-man-films-video-while-woman-do-bath-case-booked-in-east-godavari-district/articleshow/72922848.cms