పౌరసత్వ చట్టంపై వెనక్కి తగ్గబోం.. ఆరు నూరైనా అమలు చేస్తాం: అమిత్ షా
పౌరసత్వ సవరణ చట్టంపై ఆందోళనలు జరుగుతున్న వేళ.. ఎట్టి పరిస్థితుల్లోనూ ఈ చట్టాన్ని అమలు చేస్తామని హోం మంత్రి స్పష్టం చేశారు. జామియా ఇస్లామియా యూనివర్సిటీ ప్రాంగణంలోకి పోలీసులు ప్రవేశించడం పట్ల ఆయన స్పందించారు. ప్రభుత్వ ఆస్తులను ధ్వంసం చేస్తున్న వారిని అడ్డుకోవడానికి, పరిస్థితిని అదుపులోకి తేవడానికి ఇలా చేయక తప్పలేదన్నారు. మంగళవారం ఇండియా ఎకనమిక్ కాన్క్లేవ్లో ప్రసంగించిన అమిత్ షా ఈ వ్యాఖ్యలు చేశారు. పౌరసత్వ చట్టానికి వ్యతిరేకంగా జరుగుతున్న నిరసన ప్రదర్శనలను పెద్దది చేసి చూపొద్దన్నారు. దేశంలో 400 యూనివర్సిటీలు ఉండగా.. కేవలం 22 యూనివర్సిటీల్లోనే సీఏఏ పట్ల కొద్దిమేర మాత్రమే నిరసనలు కనిపించాయన్నారు. అలీఘర్ ముస్లిం యూనివర్సిటీ, జమియా మిలియా, లక్నో, జేఎన్యూలలో మాత్రమే పెద్ద ఎత్తున నిరసన ప్రదర్శలు నిర్వహించారన్నారు. హింస ఏ రూపంలో ఉన్నా దాన్ని సమర్థించలేమన్న అమిత్ షా.. పరిస్థితులు దిగజారిపోతున్నప్పుడు.. మరింత దిగజారేలా చూస్తూ ఊరుకోలేమన్నారు. జామియాలో జరిగిన ఘటనలను బట్టి పరిస్థితి తీవ్రంగా ఉందని అర్థం చేసుకోవచ్చాన్నారు. నిరసనకారులు రువ్విన రాళ్లు ఎక్కడి నుంచి వచ్చాయనే విషయం విచారణ జరుపుతున్నామన్నారు. విద్యార్థులు కాకుండా భారీ సంఖ్యలో బయటి వ్యక్తులు ఉన్నారని షా తెలిపారు. అమలు చేసే విషయంలో తాము దృఢ సంకల్పంతో ఉన్నామన్న అమిత్ షా.. ప్రతిపక్ష పార్టీల నుంచి వ్యతిరేకత వచ్చినా.. తాము వెనక్కి తగ్గబోమన్నారు. Read Also:
By December 18, 2019 at 07:52AM
No comments