హైదరాబాద్ వ్యభిచార ముఠా కీలక సూత్రధారి అరెస్టు!

బంగ్లాదేశ్‌ యువతుల్ని భారత్‌లోని వ్యభిచార గృహాలకు చేరవేసే వ్యక్తి జాతీయ దర్యాప్తు సంస్థ (ఎన్‌ఐఏ)కు చిక్కాడు. బంగ్లా యువతులను అక్రమంగా సరిహద్దులు దాటించి భారత్‌లోని వ్యభిచార గృహాల నిర్వాహకులకు చేర్చడంలో కీలకంగా వ్యవహరిస్తున్న ఘరానా మోసగాడు రుహుల్‌ అమిన్‌దాలి (52)ని ఎన్ఐఏ అధికారులు అదుపులోకి తీసుకున్నారు. పశ్చిమ బెంగాల్‌లోని ఉత్తర 24 పరగణాల జిల్లా బసీరత్‌ పట్టణంలో నిందితుడు పట్టుబడ్డాడు. అతడి నుంచి 11 సిమ్‌కార్డులు (5 బంగ్లాదేశ్‌వి), రూ. 10,000 బంగ్లాదేశ్‌ కరెన్సీ, వ్యభిచార గృహాల నిర్వాహకుల నంబర్లతో కూడిన డైరీని స్వాధీనం చేసుకున్నారు. నిందితుడిని బసీరత్‌ సీజేఎం న్యాయస్థానంలో హాజరుపరిచారు. Also Read: వ్యభిచార గృహాలకు యువతుల చేరవేత.. హైదరాబాద్‌ సహా దేశవ్యాప్తంగా పలు నగరాల్లోని వ్యభిచార గృహాలకు బంగ్లాదేశ్‌ నుంచి యువతుల్ని అక్రమంగా దిగుమతి చేయడంలో రుహుల్‌ అమిన్‌దాలినే కీలకంగా వ్యవహరించినట్లు ఎన్ఐఏ అధికారులు అనుమానిస్తున్నారు. ఏప్రిల్‌ 21న పాతబస్తీ ఛత్రినాకా ఠాణా పరిధిలోని ఓ వ్యభిచార గృహంపై స్థానిక పోలీసులు దాడి చేయడంతో పశ్చిమ బెంగాల్‌కే చెందిన ముగ్గురు నిర్వాహకులు మహ్మద్‌ యూసుఫ్‌ఖాన్‌, అతడి భార్య బితిబేగం, సోజిబ్‌ చిక్కారు. Also Read: ఈ వ్యవహారంలో అంతర్జాతీయ వ్యభిచార ముఠాల పాత్ర ఉన్నట్లు తేలడంతో కేసును ఎన్‌ఐఏకు అప్పగించారు. ఈ నేపథ్యంలోనే తాజాగా రుహుల్‌ను ఎన్‌ఐఏ అరెస్ట్‌ చేసింది. అతడిని ట్రాన్సిట్‌ రిమాండ్‌పై హైదరాబాద్‌కు తీసుకొచ్చేందుకు అక్కడి న్యాయస్థానంలో పిటిషన్‌ దాఖలు చేసింది. ఒకట్రెండు రోజుల్లో రుహుల్‌ను హైదరాబాద్‌కు తీసుకొచ్చి ఇక్కడి ఎన్‌ఐఏ ప్రత్యేక న్యాయస్థానంలో హాజరుపరచనున్నారు. Also Read:

By December 14, 2019 at 10:42AM

Read More https://telugu.samayam.com/latest-news/crime/nia-arrested-sex-racket-broker-in-west-bengal/articleshow/72584693.cms