మౌనిక కన్నింగ్ ప్లాన్‌తో నోరెళ్లబెట్టిన పోలీసులు.. ప్రియుడితో పెళ్లి కోసం ..

ఆత్మహత్య చేసుకుంటానంటూ తల్లిదండ్రులకు లేఖ రాసి ఐదు రోజుల క్రితం కనిపించకుండా పోయిన డిగ్రీ విద్యార్థిని మౌనిక(19) ఆచూకీ లభ్యం కావడంతో అంతా ఊపిరి పీల్చుకున్నారు. అయిదు రోజులుగా తమకు కంటి మీద కునుకు లేకుండా చేసిన మౌనిక, ఆమె ప్రియుడిన పోలీసులు ఏపీలోని పట్టణంలో ఎట్టకేలకు పట్టుకున్నారు. ఓ యువకుడు తనను మానసికంగా వేధిస్తున్నాడని, దీంతో తాను ట్యాంక్‌బండ్‌లో దూకి ఆత్మహత్య చేసుకుంటానంటూ యువతి లేఖ రాసి అదృశ్యమైన సంగతి తెలిసిందే. Also Read: అయితే మౌనిక ఆచూకీ కనిపెట్టిన తర్వాతే పోలీసులకు ఈ ఘటనలో కొత్త ట్విస్ట్ తెలిసి షాకయ్యారు. నిజామాబాద్‌ జిల్లా నవీపేట్‌కు చెందిన ఆ మౌనిక హైదరాబాద్‌లోని హిమాయత్‌నగర్‌లో గౌడ హాస్టల్‌లో ఉంటూ నారాయణగూడలోని ఓ కళాశాలలో ఇంజినీరింగ్‌ ఫస్టియర్ చదువుతోంది. గత మంగళవారం (నవంబరు 26) రాత్రి తన తండ్రికి ఫోన్‌ చేసిన ఆమె తనను ఓ యువకుడు వెంటపడి వేధిస్తున్నాడని చెప్పింది. కూతురికి భయపడవద్దని ధైర్యం చెప్పిన ఆయన వెంటనే తన కొడుకుని హైదరాబాద్‌ పంపారు. Also Read: నవంబరు 27న మౌనిక సోదరుడు హాస్టల్‌కు రాగా ఆమె కనిపించలేదు. గదిలో ‘ఓ యువకుడి వేధింపులు భరించలేకున్నాను. ట్యాంక్‌బండ్‌లో దూకి ఆత్మహత్య చేసుకోబోతున్నా’ అని ఆమె వదిలివెళ్లిన లేఖ లభించింది. దీంతో ఆమె కుటుంబసభ్యులు నారాయణగూడ పోలీసులకు ఫిర్యాదు చేశారు. ఈ ఘటనపై నారాయణగూడ ఇన్‌స్పెక్టర్‌ రమేశ్‌కుమార్‌ ఆధ్వర్యంలో ఎస్సై నారాయణ తన టీమ్‌తో కలిసి రంగంలో దిగారు. లేక్‌ పోలీసులను అప్రమత్తం చేసి ట్యాంక్‌బండ్‌పై ఉన్న సీసీ కెమెరాల పుటేజీ, హాస్టల్‌ నుంచి ట్యాంక్‌బండ్‌ వైపు వెళ్లే వివిధ మార్గాల్లో ఉన్న సీసీ కెమెరాల దృశ్యాలను పరిశీలించారు. ఈ క్రమంలోనే రాజ్‌భవన్‌ రోడ్‌, సికింద్రాబాద్‌, ఎంజీ రోడ్‌, బేగంపేట్‌ ప్రాంతాల్లోని సీసీ కెమెరా దృశ్యాల్లో మౌనిక కనిపించింది. అయితే తనను ఏ యువకుడు అయితే వేధిస్తున్నాడని లేఖలో పేర్కొందో అతడితో ఆమె కనిపించడంతో పోలీసులకు అనుమానం వచ్చింది. ఆ ఇద్దరు తమ పాత సెల్‌ఫోన్‌ నెంబర్లు తీసేసి కొత్త నెంబర్లు తీసుకున్నట్లు తెలిసింది. Also Read: దీంతో నారాయణగూడ పోలీసులు ఆ యువకుడి స్నేహితులను విచారించి కొత్త ఫోన్‌ నెంబర్లు తెలుసుకున్నారు. సెల్‌ సిగ్నల్స్ ఆధారంగా గుంటూరులో ఉన్నట్లు తెలుసుకుని రెండు రోజుల క్రితం ఎస్సై నారాయణ తన బృందంతో కలిసి అక్కడకు వెళ్లి ఆదివారం వారిద్దరిని అదుపులోకి తీసుకున్నారు. ఇక్కడే మౌనిక ప్లాన్ తెలిసి పోలీసులు షాకయ్యారు. మౌనికకు 19 సంవత్సరాలు నిండాయి. ఆమె ప్రియుడికి మాత్రం డిసెంబర్ 3తో మైనారిటీ తీరనుంది. ఆ తేదీ వరకు ఎవరికీ కనిపించకుండా తర్వాత పెళ్లి చేసుకోవాలని వారిద్దరు ప్లాన్ వేసుకున్నట్లు విచారణలో వెల్లడైంది. దీంతో ఆ యువతి తల్లిదండ్రులను తప్పుదోవ పట్టించి ప్రియుడితే వెళ్లిపోయినట్లు గుర్తించారు. వారిద్దరిని హైదరాబాద్‌ తీసుకొచ్చిన పోలీసులు సోమవారం విచారించనున్నారు. Also Read:

By December 02, 2019 at 09:21AM

Read More https://telugu.samayam.com/latest-news/crime/hyderabad-police-revealed-shocking-thing-in-mounika-missing-case/articleshow/72325474.cms