వారికి స్ట్రాంగ్ వార్నింగ్ ఇచ్చిన రామ్ గోపాల్ వర్మ
మొత్తానికి తనతో పెట్టుకుంటే ఏం జరుగుతుందో చేసి చూపించారు దర్శకుడు . సిద్ధార్థ్ తాతోలుతో కలిసి ఆయన తెరకెక్కించిన ‘అమ్మ రాజ్యంలో కడప బిడ్డలు’ సినిమాకు ఎట్టకేలకు సెన్సార్ సర్టిఫికేట్ వచ్చేసింది. సినిమాను ఆపాలని కొందరు ప్రయత్నించినప్పటికీ వారు విఫలమయ్యారు. ఈరోజు సినిమా ప్రేక్షకుల ముందుకు వచ్చింది. అయితే సినిమాను ఆపాలని చూసిన వారిని స్ట్రాంగ్ వార్నింగ్ ఇస్తూ ఓ వీడియోను వదిలారు వర్మ. ‘కమ్మ రాజ్యంలో కడప రెడ్లు..సారీ అలవాటులో అమ్మ రాజ్యంలో కడప బిడ్డలు అనే మా సినిమాను ఆపడానికి చాలా మంది ప్రయత్నించారు. వెనకాల నుంచి గోతులు తీసి, ఎవరెవరికో ఏదేదో చెప్పి రకరకాలను క్రియేట్ చేసి కేసులు ఫైల్ చేశారు. మొత్తానికి వారిది వర్కవుట్ అవ్వలేదు. అనుకున్న ప్రకారం ఈరోజు సినిమా రిలీజ్ అవుతోంది. ఇక్కడ పాయింట్ ఏంటంటే... ప్రజాస్వామ్యంలో భావ వ్యక్తీకరణ స్వేచ్ఛ ఎలా ఉంటుందో అన్నీ తెలిసే మేం ఈ సినిమా తీశాం. అన్నీ ఆలోచించే సినిమా తీశాను. అంత బుర్రలేకుండా వ్యవహరించలేదు. కానీ దీనిని ఆపడానికి చాలా మంది ట్రై చేశారు. ఎందుకు ట్రై చేశారు? ఎంత డబ్బు ఇచ్చారు? వీటన్నింటినీ చాలా తొందరలో బయటపెట్టబోతున్నాం. వారిపై చట్ట ప్రకారం చర్యలు తీసుకోబోతున్నాం’’ ‘‘ దాని గురించి తర్వాత మాట్లాడతా. ‘అమ్మ రాజ్యంలో కడప బిడ్డలు’ సినిమా మే 2019 నుంచి సెప్టెంబర్ 2020 మధ్యలో జరిగిన ఘటనల నేపథ్యంలో తెరకెక్కించిన సినిమా. అప్పుడే 2020 ఏంటి అని మీరు అనుకోవచ్చు. ఇక్కడ పాయింట్ అదే. ఈ మధ్యకాలంలో జరిగిన సంఘటనల ద్వారా ఏం జరుగుతుంది అని ఊహించి తీసిన సినిమా. ఇలాంటి జోనర్‌లో ఏ సినిమా రాలేదు. ఈ సినిమా ఓ సెటైర్. సెటైర్‌కి కామెడీకి తేడా ఏంటంటే.. కామెడీ అనేది కేవలం నవ్వించడానికి. ఈ సినిమాలో నటించినవారు ఏ పార్టీకి సంబంధించినవారు కాదు. నేను ఎవ్వరినీ తక్కువ చేయలేదు ఎక్కువ చేసి చూపించలేదు. ఆ విషయం మీకు సినిమా చూశాక తెలుస్తుంది. అసెంబ్లీలో జరిగే జోకులు మరే సినిమాలోనూ ఉండవు. ఓ దర్శకుడిగా నాకు అనిపించిన విషయాన్ని స్క్రిప్ట్‌లా రాసి తీసిన సినిమా. ఈ సినిమా మీకు తప్పకుండా నచ్చుతుంది. దయచేసి సినిమాను చూడండి. ఇది సీరియస్ ఫన్ సినిమా. ఫన్నీగా అనిపించే సీరియస్ సినిమా’’
By December 12, 2019 at 10:30AM
No comments