ఖతర్నాక్ దంపతులు.. గతంలోనే 12 చీటింగ్ కేసులు, తాజాగా పోలీసులను ఇరికించే కుట్ర
హైదరాబాద్లోని పోలీసులకు అబద్ధపు ఆరోపణలు చేసిన అట్లూరి సురేశ్, ప్రవిజ దంపతుల లీలలు ఒక్కొక్కటిగా వెలుగులోకి వస్తున్నాయి. పోలీసులు తన భర్తను కొడుతూ ఆయన ఎదుటే స్టేషన్లోనే తనపై అత్యాచారం చేయబోయారని ప్రవిజ, ఆమె భర్త విడుదల చేసి వీడియో తెలంగాణలో వైరల్గా మారింది. పోలీసులు తమను చిత్రహింసలు పెట్టారని, తమకు న్యాయం చేయాలంటూ కన్నీరు పెట్టుకుంటూ వారు విడుదల చేసి వీడియో చూసి చాలామంది ఆవేదన చెందారు. అయితే అందరూ అనుకుంటున్నట్లుగా వారు అమాయకులు కాదని, వారి ఆరోపణలన్నీ అవాస్తవాలనీ వెస్ట్ జోన్ డీసీపీ ప్రెస్మీట్లో చెప్పడంతో అంతా షాకయ్యారు. Also Read: తాజాగా ఈ దంపతుల మోసాలు ఒక్కొక్కటిగా వెలుగులోకి వస్తున్నాయి. వీరిద్దరిపై గతంలోనే ఎన్నో చీటింగ్ కేసులున్నట్లు తెలుస్తోంది. గతంలో ఇంటి ఓనర్ తనపై పెట్టిన కేసు వాపసు తీసుకోవాలని సురేశ్ బెదిరించాడని, లేకపోతే తన భార్యపై అత్యాచారం చేసినట్లు బెదిరించాడు. దీనిపై దంపతులపై జూబ్లీహిల్స్ పోలీసులు కేసు నమోదు చేసినట్లు తెలుస్తోంది. ఈ దంపతులు వ్యాపారం పేరుతో పలువురిని మోసం చేసినట్లు హైదరాబాద్లోని వివిధ స్టేషన్లలో వీరిపై చీటింగ్ కేసులున్నాయి. Also Read: రెండు నెలల క్రితం యూసుఫ్గూడలోని ఇంటి ఓనర్ అనుమతి తీసుకోకుండానే తాము ఉంటున్న పోర్షన్లో అనేక మార్పులు చేసి ఇంటిని స్వాధీనం చేసుకునేందుకు యత్నించారు. దీనిపై ఇంటి యజమాని శ్రీనివాసరావు జూబ్లీహిల్స్ పోలీస్స్టేషన్లో కేసు పెడితే ఆ కేసు విషయంలో పోలీసులు తమకు సహకరించాలని, లేకపోతే పోలీసులు తన భార్యను రేప్ చేశారంటూ కేసు పెడతానని బెదిరించారు. దీంతో జూబ్లీహిల్స్ పోలీసులు వారిపై కేసు నమోదు చేశారు. Also Read: తాజాగా వ్యాపారం పేరుతో వాసుదేవశర్మ అనే వ్యక్తి నుంచి రూ.5లక్షలు తీసుకుని వేధిస్తున్నారు. దీంతో బాధితులు బంజారాహిల్స్ పోలీసులకు ఫిర్యాదు చేశాడు. ఈ కేసులో తమకు సహకరించాలంటూ ఈ దంపతులు పోలీసులపై ఒత్తిడి తెచ్చారు. పలువురు రాజకీయ నేతల పేర్లు చెప్పి కేసు వాపసు తీసుకోవాలని బెదిరించినట్లు తెలుస్తోంది. దీంతో బంజారాహిల్స్ పోలీసులు వారిపై కేసు నమోదుచేశారు. అయినప్పటికీ తీరు మార్చుకోని ఈ ఖతర్నాక్ దంపతులు అందరినీ తప్పుదోవ పట్టించేలా వీడియో తీసి సోషల్మీడియాలో పోస్ట్ చేశారు. Also Read:
By December 17, 2019 at 12:07PM
No comments