‘Ntr పక్కన నటిస్తున్నావ్, కాస్త అందాన్ని మెయింటైన్ చెయ్’
మొత్తానికి సస్పెన్స్‌కి తెరదించుతూ ‘ఆర్ ఆర్ ఆర్’ టీం సర్‌ప్రైజ్ ఇచ్చేసింది. యంగ్ టైగర్ ఎన్టీఆర్‌కు జోడీగా లండన్ భామ ఒలీవియా మోరిస్‌ను ఎంపిక చేస్తున్నట్లు నిన్న ప్రకటించింది. దాంతో ఒలీవియాకు తారక్ ఫ్యాన్స్ నుంచి విషెస్ వెల్లువెత్తాయి. కొందరు ఫన్నీ ట్వీట్లు చేస్తుంటే, మరికొందరు తారక్ అంటే ఎంత అభిమానమో వివరిస్తూ ట్వీట్లు చేశారు. అప్పటివరకు ఒలీవియాకు కేవలం 300 మంది ఫాలోవర్లే ఉండేవాళ్లు. ఎప్పుడైతే ఆర్ ఆర్ ఆర్ సినిమాలో నటిస్తోందని ప్రకటించారో ఆ ఒక్కరోజులోనే ఆమె ఫాలోవర్స్ సంఖ్య 10వేలు దాటిపోయింది. ఇన్‌స్టాగ్రామ్‌లోనూ అంతే. ఆ రేంజ్‌లో ఇండియన్ సినిమా పవర్‌ ఏంటో రుచి చూపించారు అభిమానులు. అయితే ఒలీవియాను ఉద్దేశిస్తూ చాలా మంది ట్వీట్లు చేశారు. తొలి తెలుగు సినిమాలో ఎన్టీఆర్ లాంటి స్టార్ హీరోతో కలిసి నటిస్తోంది కాబట్టి.. కాస్త బ్యూటీని మెయింటైన్ చేసుకోమని కొందరు సలహా ఇచ్చారు. మరికొందరేమో ఇది జస్ట్ సాంపుల్ మాత్రమే పిక్చర్ అభీ బాకీ హై అంటూ కామెంట్లు చేశారు. మరో వర్గం వారైతే.. ఒలీవియాపై నెగిటివ్ కామెంట్లు చేశారు. ఎందుకంటే ఈ సినిమాలో రామ్ చరణ్‌కు భార్య పాత్రలో బాలీవుడ్ బ్యూటీ ఆలియా భట్ నటించనున్న సంగతి తెలిసిందే. చరణ్‌కు అంత పాపులర్ హీరోయిన్‌ను సెలెక్ట్ చేసుకుని తారక్‌కు మాత్రం అసలు లండన్‌లనూ ఎవ్వరికీ తెలీని హీరోయిన్‌ను ఎందుకు ఎంపిక చేసుకున్నారని ప్రశ్నలు వేస్తున్నారు. అయితే దర్శకధీరుడు ఎస్ ఎస్ రాజమౌళి ఆమెను సెలెక్ట్ చేసుకున్నారంటే.. ఆమెలో ఏదో ట్యాలెంట్ దాగి ఉండబట్టే కదా అని ‘ఆర్ ఆర్ ఆర్’ టీం సన్నిహిత వర్గాలు తెలిపాయి. ఇక తారక్‌కు హీరోయిన్ దొరికేసింది కాబట్టి మిగతా షూటింగ్ కూడా త్వరగానే ముగించేస్తారి టాలీవుడ్ వర్గాల సమాచారం. ఇప్పటికే 70 శాతం షూటింగ్ పూర్తైనట్లు టీం ప్రకటించింది. ఇందులో ఐర్లాండ్‌కు చెందిన రే స్టీవెన్సన్, ఆలిసన్ డూడీ విలన్లుగా నటించనున్నారు. ఇక మిగిలిన భాగం అంతా ఈ ముగ్గురు నటీనటులతో కూడిన సన్నివేశాలే ఉంటాయని టాక్. ఈ షెడ్యూల్ కూడా అయిపోతే ఇక పోస్ట్ ప్రొడక్షన్ పనులు ప్రారంభమవుతాయి. రాజమౌళి సినిమాల్లో కంప్యూటర్ గ్రాఫిక్స్‌కు అధిక ప్రాధాన్యం ఉంటుంది కాబట్టి.. ఐదారు నెలల్లో వాటిని పూర్తిచేసి వచ్చే ఏడాది జులై 30న సినిమాను ఆడియన్స్‌ ముందుకు తీసుకొస్తారు. దాదాపు అన్ని భారతీయ భాషల్లోనూ ఈ ప్రతిష్ఠాత్మక సినిమాను విడుదల చేయనున్నారు. ఓసారి ఒలీవియా మోరిస్‌పై వస్తున్న కామెంట్స్‌ను చూసేయండి
By November 21, 2019 at 10:57AM
No comments