పెళ్లి చేసుకుంటానని నమ్మించి బాలికపై అత్యాచారం

పెళ్లి చేసుకుంటానని బాలికను నమ్మించి ఓ కామాంధుడు ఆమెపై అత్యాచారానికి పాల్పడ్డాడు. షికార్ల పేరుతో ఆమెను అనేక ప్రాంతాలు తిప్పుతూ వీలు చిక్కినప్పుడల్లా లైంగిక దాడికి పాల్పడ్డాడు. ఈ విషయం బాలిక తల్లిదండ్రులకు తెలియడంతో ఇప్పుడు కటకటాలు లెక్కిస్తున్నాడు. Also Read: తమిళనాడులోని వేలూరు జిల్లా ఆంబూర్‌ ప్రాంతానికి చెందిన ఓ మైనర్‌ బాలిక తల్లిదండ్రులతో కలిసి ఉంటోంది. స్థానిక పాఠశాలలో చదివే ఆమెపై బాలూర్ ప్రాంతానికి చెందిన పూవరసన్ అనే యువకుడు కన్నేశాడు. ఓ షూ కంపెనీలో పనిచేసే అతడు బాలికకు మాయమాటలు చెప్పి లోబరుచుకున్నాడు. తన కోరిక తీరిస్తే పెళ్లి చేసుకుంటానని నమ్మించి ఓ రోజు బైక్‌పై బయటకు తీసుకెళ్లి అత్యాచారం చేశాడు. ఇలా సమయం చిక్కినప్పుడల్లా ఆమెను లైంగిక దోపిడీ చేశాడు. Also Read: ఇటీవల బాలిక ప్రవర్తనలో మార్పులు కనిపించడంతో తల్లిదండ్రులు నిలదీయగా ఆమె అసలు విషయం చెప్పింది. దీంతో పోలీసులకు ఫిర్యాదు చేశారు. నిందితుడు పూవరసన్‌పై పోక్సో చట్టం కింద కేసు నమోదు చేసిన పోలీసులు గురువారం అరెస్ట్ చేసి రిమాండ్‌కు తరలించారు. బాలిక వాంగ్మూలం తీసుకుని వైద్య పరీక్షల నిమిత్తం ఆస్పత్రికి తరలించారు. Also Read: గమనిక: అత్యాచారాలు, లైంగిక వేధింపుల కేసుల్లో బాధితులకు సంబంధించి గోప్యత పాటించాలన్న సుప్రీంకోర్టు ఆదేశాల మేరకు వారి పేర్లు, వివరాలు వెల్లడించడంలేదు.

By October 04, 2019 at 10:39AM

Read More https://telugu.samayam.com/latest-news/crime/man-arrested-for-raping-minor-girl-on-pretext-marriage-in-tamilnadu/articleshow/71434625.cms