‘నువ్వే సర్వస్వం’ అన్నాడు... మోజు తీరాక మరో పెళ్లికి సిద్ధమయ్యాడు

నువ్వే నా సర్వస్వమన్నాడు.. పెళ్లి చేసుకుంటానని నమ్మించి శారీరకంగా అనుభవించాడు. మోజు తీరిన తర్వాత నువ్వెరో తెలియదన్నాడు. మరో అమ్మాయితో పెళ్లికి సిద్ధమయ్యాడు. మోసం చేసిన ప్రియుడికి పోలీసులతో కలిసి బుద్ధి చెప్పింది ప్రియురాలు. ఈ ఘటన జిల్లా పెదకాకానిలో జరిగింది. Also Read: పెదకాకాని మండలంలోని ఓ యువతి గుంటూరులోని ఓ షాపులో పనిచేస్తోంది. అదే మండలంలోని మరో గ్రామానికి చెందిన యువకుడు ఆమెను చూసి ప్రేమించమంటూ వెంటపడ్డాడు. మొదట్లో అతడిని పట్టించుకోని యువతి క్రమంగా ప్రేమలో పడిపోయింది. దీంతో ఆ యువకుడితో సినిమాలు, షికార్లకు తిరిగేది. పెళ్లి చేసుకుంటానని నమ్మంచి శారీరకంగా లొంగదీసుకున్నాడు. అనేకసార్లు ఆమెను లాడ్జికి, పార్కులకు తీసుకెళ్లి లైంగిక దోపిడీ చేశాడు. Also Read: ఈ నెల 3వ తేదీన ప్రియురాలికి తెలీకుండా మరో పెళ్లికి సిద్ధమయ్యాడు. ఈ విషయం తెలుసుకున్న యువతి అతడి దగ్గరికి వెళ్లి నిలదీయగా నీపై మోజు తీరింది... అందుకే వదిలేస్తున్నా అంటూ డైలాగులు చెప్పాడు. నువ్వు పెళ్లి చేసుకుంటే నాకు చావే గతి అంటూ ఆమె హెచ్చరించినా పట్టించుకోకుండా గెంటేశాడు. దీంతో బాధితురాలు గురువారం పెదకాకాని పోలీసులను ఆశ్రయించింది. యువకుడిపై చీటింగ్ కేసు నమోదు చేసుకున్న పోలీసులు శుక్రవారం అతడిని అరెస్ట్ చేశారు. అతడి దుర్మార్గం తెలియడంతో పెళ్లి ఆగిపోయింది. పెళ్లికి ముందే వరుడి దుర్మార్గం బయటపడటంతో పెళ్లికూతురి తల్లిదండ్రులు ఆనందపడుతున్నారు. Also Read:

By October 06, 2019 at 09:22AM

Read More https://telugu.samayam.com/latest-news/crime/young-man-arrested-for-cheating-lover-in-guntur-district/articleshow/71461960.cms